କୋଟି କୋଟି ଟଙ୍କାର ମାଲିକାଣି ହୋଇ ମଧ୍ୟ ନିଜର ଏଭଳି ଅଭ୍ୟାସକୁ ଛାଡ଼ି ପାରି ନାହାନ୍ତି ପ୍ରିୟଙ୍କା, ଟଙ୍କା ସଞ୍ଚୟ କରିବା ପାଇଁ କରନ୍ତି ଏହି କାମ…
ମୁମ୍ବାଇ: ଏବେ ଗ୍ଲୋବାଲ ଆଇକନ ବନି ସାରିଛନ୍ତି ଅଭିନେତ୍ରୀ ପ୍ରିୟଙ୍କା ଚୋପ୍ରା । ଉଭୟ ବଲିଉଡ୍ ଓ ହଲିଉଡ୍ରେ କାମ କରି ସେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିବା ସହ ଅନେକଙ୍କ ପାଇଁ ପ୍ରେରଣା ପାଲଟିଛନ୍ତି । ଅନେକ ଦିନ ପର୍ଯ୍ୟନ୍ତ ବଲିଉଡ୍ରୁ ଦୂରରେ ଥିବା ପ୍ରିୟଙ୍କା ଏବେ ଫିଲ୍ମ ‘ଦ ସ୍କାଏ ଇଜ୍ ପିଙ୍କ’ ଜରିଆରେ ବଲିଉଡ୍କୁ ଫେରୁଛନ୍ତି । ଆସନ୍ତା କାଲି ଫିଲ୍ମ ରିଲିଜ୍ ହେବାକୁ ଥିବା ବେଳେ ଫିଲ୍ମର ପ୍ରଚାର ପାଇଁ ଲାଗି ପଡ଼ିଛନ୍ତି ପ୍ରିୟଙ୍କା । ପ୍ରଚାର ସମୟରେ ସେ ନିଜ ସଂପର୍କରେ କରୁଥିବା ବିଭିନ୍ନ ଖୁଲାସା ତାଙ୍କୁ ଆହୁରି ଚର୍ଚ୍ଚିତ କରାଉଛି ।
Sambad is now on WhatsApp
Join and get latest news updates delivered to you via WhatsApp
କିଛି ଦିନ ତଳେ ସେ ତାଙ୍କ ବିବାହ ସମୟର ଅନେକ ଗେୋପନ କଥାର ଖୁଲାସା କରିଥିବା ବେଳେ ଏବେ ସେ ନିଜର ଏକ ଅଭ୍ୟାସ ବିଷୟରେ ଜଣାଇଛନ୍ତି । ସଫଳ ହେବା ସହ କୋଟି କୋଟି ଟଙ୍କାର ମାଲିକାଣି ହୋଇ ମଧ୍ୟ ଆଜି ବି ପ୍ରତି ଖାଦ୍ୟରେ ସେ ଆଚାର ଖାଉଥିବା କହିଛନ୍ତି ।
ତାଙ୍କ କହିବା ଅନୁଯାୟୀ, ମୁଁ ସବୁ ଖାଦ୍ୟରେ ଏବେ ବି ଆଚାର ଖାଉଛି । ଏମିତି କି ଚିଜ୍ ସାଣ୍ଡଓ୍ଵିଚ୍ ସହ ମଧ୍ୟ ମୁଁ ଆମ୍ବ ଆଚାର ଖାଏ । ଘରେ ତିଆରି ହେଉଥିବା ଆଚାର ମୋତେ ସବୁଠୁ ଅଧିକ ପସନ୍ଦ । ଜିନିଷ କିଣିବା ପାଇଁ ମୁଁ ଅନ୍ଲାଇନ୍ ସେଲ୍କୁ ଅପେକ୍ଷା କରେ । ଅଧିକ ରିହାତିରେ ଜିନିଷ କିଣିବା ମୋତେ ପସନ୍ଦ । ଟଙ୍କା ସଞ୍ଚୟ କରିବାକୁ ମୋତେ ମଜା ଲାଗେ ।