ଏସିଡ୍‌ ଆକ୍ରମଣର ଶିକାର ହୋଇଥିବା ୧୨୦ଜଣ ପୀଡ଼ିତାଙ୍କ ସର୍ଜରୀ ପାଇଁ ସାହାଯ୍ୟର ହାତ ବଢ଼ାଇଲେ ଶାହାରୁଖ୍‌

ମୁମ୍ବାଇ : ବଲିଉଡ୍‌ ଅଭିନେତା ଶାହାରୁଖ୍‌ ଖାନ୍‌ ଅଭିନୟ ସହ ଅନେକ ସମୟରେ ସମାଜ ସେବା କରୁଥିବାର ଦେଖା ଯାଇଥାଏ । ନିଜ ମୀର ଫାଉଣ୍ଡେସନ ଜରିଆରେ ସେ ଲୋକଙ୍କ ସେବା କରୁଥିବାର ଅନେକ ଦୃଶ୍ୟ ପୂର୍ବରୁ ଆସି ସାରିଛି । ଏବେ ତାଙ୍କ ଫାଉଣ୍ଡେସନ କରୁଥିବା ଏକ ବଡ଼ କାମ ସାମ୍ନାକୁ ଆସିଛି । ଏସିଡ୍‌ ଆକ୍ରମଣର ଶିକାର ହୋଇଥିବା ୧୨୦ଜଣ ପୀଡ଼ିତାଙ୍କର ଚିକିତ୍ସା ପାଇଁ ଶାହାରୁଖ୍‌ଙ୍କ ଫାଉଣ୍ଡେସନ କାମ କରୁଥିବା ଖବର ଏବେ ଚର୍ଚ୍ଚାର ବିଷୟ ପାଲଟିଛି । ଖବରଟି ସାମ୍ନାକୁ ଆସିବା ପରେ ଲୋକେ ଶାହାରୁଖ୍‌ଙ୍କ ଏଭଳି ପଦକ୍ଷପକୁ ପ୍ରଶଂସା କରିବାରେ ଲାଗି ପଡ଼ିଛନ୍ତି ।

View this post on Instagram

Thank u @meerfoundationofficial for the initiative of #ToGetHerTransformed and best of luck and health to the 120 ladies whose surgeries are underway. And all the docs who r helping us with this noble cause.

A post shared by Shah Rukh Khan (@iamsrk) on Oct 25, 2019 at 3:13am PDT

ନିଜ ଇନ୍‌ଷ୍ଟାରେ ଶାହାରୁଖ୍‌ ଏକ ଫଟୋ ପୋଷ୍ଟ କରିଛନ୍ତି । ଯେଉଁଥିରେ ସେ ଏସିଡ୍‌ ଆକ୍ରମଣର ଶିକାର ହୋଇଥିବା ପୀଡ଼ିତାଙ୍କ ସହ ନଜର ଆସୁଛନ୍ତି । ଫଟୋର କ୍ୟାପ୍‌ସନରେ ଲେଖିଛନ୍ତି କି, ମୀର ଫାଉଣ୍ଡେସନକୁ ବହୁତ ବହୁତ ଧନ୍ୟବାଦ୍‌ । ଯିଏ #ToGetHerTransformed ଅଭିଯାନ ଆରମ୍ଭ କରିଛନ୍ତି । ମୁଁ ସେହି ୧୨୦ଜଣେ ଏସିଡ୍‌ ଆକ୍ରମଣର ପୀଡ଼ିତାଙ୍କୁ ଶୁଭେଚ୍ଛା ଜଣାଇବି, ଯେଉଁମାନଙ୍କର ଏବେ ଚିକିତ୍ସା ଚାଲୁ ରହିଛି । ଏଭଳି ଭଲ କାମରେ ଯେଉଁ ଡାକ୍ତରମାନେ ସାହାଯ୍ୟ କରିଛନ୍ତି, ସେମାନଙ୍କୁ ମଧ୍ୟ ଧନ୍ୟବାଦ ଜଣାଉଛି ।