ମିଛ ଏନକାଉଣ୍ଟର ମାମଲା: ସେନା କୋର୍ଟରେ କ୍ୟାପଟେନଙ୍କୁ ଆଜୀବନ କାରାଦଣ୍ଡ
ଶ୍ରୀନଗର: ଦକ୍ଷିଣ କାଶ୍ମୀରର ଆସମିପୁରାରେ ହୋଇଥିବା ଫେକ ଏନକାଉଣ୍ଟର ମାମଲାରେ ସେନା ଅଦାଲତ ଜଣେ ସେନା କ୍ୟାପଟେନଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି । କୋର୍ଟ ମାର୍ଶଲର ପ୍ରକ୍ରିୟା ସମାପ୍ତ କରି କୋର୍ଟ ଦଣ୍ଡ ଦେବାକୁ ସୁପାରିଶ କରିଛନ୍ତି। ଜୁଲାଇ ୨୦୨୦ ରେ ଘଟିଥିବା ଏହି ଏନକାଉଣ୍ଟରରେ ତିନି ଜଣଙ୍କର ମୃତ୍ୟୁ ଘଟିଥିଲା | କୋର୍ଟ ଅଫ୍ ଇନକ୍ୱାରୀ ପରେ କ୍ୟାପଟେନ ଭୁପେନ୍ଦ୍ର ସିଂଙ୍କୁ କୋର୍ଟ ମାର୍ଶଲ କରାଯାଇଥିଲା। ଏହି ମାମଲାରେ ଜଣାପଡିଥିଲା ଯେ ଯବାନମାନେ ସଶସ୍ତ୍ର ବାହିନୀର ସ୍ୱତନ୍ତ୍ର ଶକ୍ତି ଅଧିନିୟମ (AFSPA) ଅଧୀନରେ ଦିଆଯାଇଥିବା କ୍ଷମତା ଅତିକ୍ରମ କରିଛନ୍ତି |ଏହାପରେ ଏହି ଦଣ୍ଡ ଦିଆଯାଇଛି | ମିଳିଥିବା ସୂଚନା ମୁତାବକ ଜୁଲାଇ ୧୮, ୨୦୨୦ରେ ଜମ୍ମୁର ରଜୌରୀର ବାସିନ୍ଦା ଇମତିଆଜ ଅହମ୍ମଦ, ଅବରାର ଅହମ୍ମଦ ଏବଂ ମହମ୍ମଦ ଇବ୍ରାରଙ୍କୁ ଗୁଳି କରାଯାଇଥିଲା |
Sambad is now on WhatsApp
Join and get latest news updates delivered to you via WhatsApp
ଏହି ତିନିଜଣଙ୍କୁ ଆତଙ୍କବାଦୀ ଘୋଷିତ କରାଯାଇଥିଲା। ତେବେ ସୋସିଆଲ ମିଡିଆରେ ଏହି ଏନକାଉଣ୍ଟରକୁ ନେଇ ଜୋରଦାର ଚର୍ଚ୍ଚା ହେବା ପରେ ସେନା କୋର୍ଟ ଅଫ ଇନକ୍ୱାରୀ ଗଠନ କରିଥିଲା। ଅନୁସନ୍ଧାନ ପରେ, ପ୍ରମାଣ ମିଳିଥିଲା ଯେ ଯବାନମାନେ ସ୍ୱତନ୍ତ୍ର ଶକ୍ତି ଅଧିନିୟମ ଅଧୀନରେ ଥିବା କ୍ଷମତା ଅତିକ୍ରମ କରିଛନ୍ତି | ଆଉ ପ୍ରମାଣ ମିଳିବା କ୍ୟାପଟେନ ସିଂଙ୍କ ବିରୋଧରେ କ୍ଷମତାର ଉଲ୍ଲଂଘନ ତଥା ସେନା ନିୟମ ଅନୁଯାୟୀ କୋର୍ଟ ମାର୍ଶାଲ ପ୍ରକ୍ରିୟା ଆରମ୍ଭ କରାଯାଇଥିଲା ବୋଲି ଅଧିକାରୀମାନେ କହିଛନ୍ତି। ଏହି ମାମଲାରେ ଜମ୍ମୁକଶ୍ମୀର ପୁଲିସ ଦ୍ୱାରା ଏକ ସ୍ୱତନ୍ତ୍ର ଅନୁସନ୍ଧାନକାରୀ ଦଳ ମଧ୍ୟ ଗଠନ କରାଯାଇଥିଲା ଯେଉଁଥିରେ ନକଲି ଏନକାଉଣ୍ଟର ମାମଲାରେ କ୍ୟାପଟେନ ସିଂଙ୍କ ସମେତ ତିନି ଜଣଙ୍କ ବିରୋଧରେ ଚାର୍ଜସିଟ ଦାଖଲ କରାଯାଇଥିଲା।