କର୍ଣ୍ଣାଟକରେ ଟୋଲ୍ ଫି ପାଇଁ ଟୋଲ ବୁଥ୍ କର୍ମଚାରୀଙ୍କୁ ହତ୍ୟା
ବେଙ୍ଗାଲୁରୁ : କର୍ଣ୍ଣାଟକର ରାମନଗର ତାଲୁକରେ ରବିବାର ରାତିରେ ଏକ ଅଭାବନୀୟ ଘଟଣା ଘଟିଛି। କିଛି ବ୍ୟକ୍ତି ଟୋଲ୍ ଫି ନଦେଇ ଟୋଲ୍ ବୁଥ୍ କର୍ମଚାରୀଙ୍କ ସହ ବଚସା କରିଥିଲେ ଏବଂ ପରେ ସେମାନଙ୍କ ଉପରେ ଆକ୍ରମଣ କରିଥିଲେ। ଏହି ଘଟଣାରେ ଜଣେ ଟୋଲ ବୁଥ୍ କର୍ମଚାରୀଙ୍କ ମୃତ୍ୟୁ ହୋଇଛି ଏବଂ ଅନ୍ୟ ଜଣେ କର୍ମଚାରୀ ଆହତ ହୋଇଛନ୍ତି। ମୃତ ଟୋଲ୍ କର୍ମଚାରୀଙ୍କ ନାମ ପୱନ କୁମାର। ତାଙ୍କ ବୟସ ୨୬। ଶେଶଗିରିହଲ୍ଲି ଟୋଲ୍ ପ୍ଲାଜାରେ ଏହି ଘଟଣା ଘଟିଛି।
Sambad is now on WhatsApp
Join and get latest news updates delivered to you via WhatsApp
ପୁଲିସ ଅନୁଯାୟୀ ୪ ଜଣ ବ୍ୟକ୍ତି କାର୍ରେ ମହୀଶୂରରୁ ବେଙ୍ଗାଲୁରୁକୁ ଯାତ୍ରା କରୁଥିଲେ। ରାତି ପ୍ରାୟ ୧୦ଟା ସମୟରେ ସେମାନେ ଟୋଲ୍ ପ୍ଲାଜା ନିକଟରେ ପହଞ୍ଚିଥିଲେ ଏବଂ ଟୋଲ୍ ଫି ଦେଇନଥିଲେ। ଏହାପରେ ଟୋଲ୍ ବୁଥ୍ କର୍ମଚାରୀ ଏବଂ ସେମାନଙ୍କ ଭିତରେ ବଚସା ହୋଇଥିଲା। ଉଭୟ ପକ୍ଷ ହାତାହାତି ହୋଇଥିଲେ। କୁମାର କାର୍ରେ ଥିବା ଲୋକଙ୍କୁ ମାଡ଼ ମାରିଥିଲେ। ସ୍ଥାନୀୟ ଲୋକ ଆସି ଘଟଣାରେ ହସ୍ତକ୍ଷେପ କରିବାପରେ ଝଗଡ଼ା ଶେଷ ହୋଇଥିଲା। ପରେ ରାତି ପ୍ରାୟ ୧୨ଟା ସମୟରେ କୁମାର ରାତ୍ରିଭୋଜନ ପାଇଁ ବାହାରିଥିଲେ । ଏହି ସମୟରେ ୪ ଜଣ ବ୍ୟକ୍ତି ଆସି ହକି ଷ୍ଟିକ୍ରେ ତାଙ୍କ ମୁଣ୍ଡକୁ ଆକ୍ରମଣ କରି ମାରି ଦେଇଥିଲେ। ତାଙ୍କର ଅନ୍ୟଜଣେ ସହକର୍ମୀ ମଂଜୁନାଥଙ୍କ ଉପରେ ମଧ୍ୟ ଆକ୍ରମଣ ହୋଇଛି। ସେ ଏବେ ଗୁରୁତର ଅବସ୍ଥାରେ ହସ୍ପିଟାଲରେ ଚିକିତ୍ସାଧୀନ ଅଛନ୍ତି। ଏନେଇ ବିଦାଦି ଥାନାରେ ଏକ ମାମଲା ରୁଜୁ ହୋଇଛି।