୨୦୦୦ ଟଙ୍କିଆ ନୋଟ୍ ବଦଳରେ ହୋଇପାରିବେ ଲକ୍ଷପତି ! ଜାଣନ୍ତୁ କିପରି…
ନୂଆଦିଲ୍ଲୀ: ଆପଣ ବ୍ୟବହାର କରୁଥିବା ପ୍ରତିଟି ଟଙ୍କାର କିଛି ନିର୍ଦ୍ଦିଷ୍ଟ ମୂଲ୍ୟ ଥାଏ, ଏହା ତ ସାଧାରଣ କଥା । କିନ୍ତୁ ଯଦି ଆପଣଙ୍କୁ କୁହାଯାଏ ଆପଣ ୨୦୦୦ ଟଙ୍କା ଦେଇ ତା ବଦଳରେ ୨ ଲକ୍ଷ ଟଙ୍କା ଉପାର୍ଜନ କରିପାରିବେ । ଆପଣ ଏ କଥାକୁ ବିଶ୍ୱାସ କରିବେ ? ବିଶ୍ୱାସ ନ କଲେ ବି ସତ। ଆପଣ ଚାହିଁଲେ ୨୦୦୦ ଟଙ୍କା ବଦଳରେ ୨ ଲକ୍ଷ ଟଙ୍କା ପର୍ଯ୍ୟନ୍ତ ପାଇପାରିବେ । ଉପରେ ଫଟୋରେ ଦିଅାଯାଇଥିବା e-bay ବିଜ୍ଞାପନରେ ଏହାର ପ୍ରମାଣ ଅାପଣ ପାଇପାରିବେ।
Sambad is now on WhatsApp
Join and get latest news updates delivered to you via WhatsApp
ଦୁନିଆରେ ଏପରି ଲୋକେ ଅଛନ୍ତି ଯେଉଁମାନେ ନିଜର ମନ ପସନ୍ଦ ନମ୍ବର ପାଇବା ପାଇଁ କିଛି ବି ମୂଲ୍ୟ ଦେବାକୁ ରାଜି ଥାଆନ୍ତି । କିଛି ଲୋକ ଟଙ୍କାରେ ଥିବା ନମ୍ବରକୁ ନିଜର ଲକି ନମ୍ବର ବୋଲି ଭାବନ୍ତି । କିଛି ଲୋକ ନିଜର ମନପସନ୍ଦର ନମ୍ବର ଥିବା ଟଙ୍କାକୁ ଖୋଜୁଥାଆନ୍ତି ।
ମୁସଲିମ୍ ସମ୍ପ୍ରଦାୟର ଲୋକେ ୭୮୬ ନମ୍ବରକୁ ନିଜର ପବିତ୍ର ନମ୍ବର ବୋଲି ମାନିଥାଆନ୍ତି । ଏପରି କି ଏହିପରି ନମ୍ବର ଥିବା ନୋଟକୁ ସେମାନେ ସାଇତିବା ଲାଗି ଖୋଜୁଥାଆନ୍ତି । ଯଦି ଆପଣଙ୍କ ପାଖରେ ଏହି ନମ୍ବର ଥିବା ନୋଟ୍ ଅଛି ତା’ହେଲେ ଆପଣ ବହୁତ କିଛି ରୋଜଗାର କରିପାରିବେ । ୭୮୬ ନମ୍ବର ଥିବା ନୋଟ ଅନ୍ଲାଇନରେ ବହୁଳ ବିକ୍ରି ହେଉଥିବା ଦେଖିବାକୁ ମିଳୁଛି ।
ଇଣ୍ଟରନେଟରେ ଏମିତି ବହୁତ େଓ୍ଵବସାଇଟ ରହିଛିି ଯେଉଁଥିରେ ଆପଣ ଏହି ଟଙ୍କାକୁ ବିକ୍ରି କରିପାରିବେ । e-bay ଏବଂ olx ମଧ୍ୟମରେ ଆପଣ ଏହି ନୋଟ ସବୁକୁ ବିକ୍ରି କରିପାରିବେ । ଏହି ଖବରରେ କେତେ ସତ୍ୟତା ଅଛି ଏହା ଜାଣିବା ପାଇଁ ଆମେ ଏକ େଓ୍ଵବସାଇଟକୁ ଯାଇ ଖୋଜିଥିଲୁ ସେଠାରେ ୨ ଟଙ୍କାର ମୂଲ୍ୟ ୨ଲକ୍ଷ ଟଙ୍କା ଥିବା ଦେଖିବାକୁ ପାଇଥିଲୁ।
ଯଦି ଆପଣଙ୍କ ପାଖରେ ୭୮୬ ନମ୍ବର ଥିବା ନୋଟ କିମ୍ବା ପୁରୁଣା ୧ ଟଙ୍କିଆ ଓ ୨ଟଙ୍କିଆ ନୋଟ ଅଛି ତାହାକୁ ଆପଣ ଅଧିକ ମୂଲ୍ୟରେ ବିକି ପାରିବେ । ଏହି ନୋଟକୁ ବିକିବାକୁ ହେଲେ ଆପଣଙ୍କୁ ଅନଲାଇନ ସପିଙ୍ଗ୍ ସାଇଟକୁ ଯାଇ ଆକାଉଣ୍ଟ ଖୋଲି ନୋଟର ଫଟୋ ସହ ଏହାର ମୂଲ୍ୟ ଦେବାକୁ ପଡ଼ିବ । ଆପଣଙ୍କ ପାଖରେ ଥିବା ୧୦ ଟଙ୍କିଆ ନୋଟ ଆପଣଙ୍କୁ ଲକ୍ଷପତି କରିପାରିବ କିନ୍ତୁ ଏଥିପାଇଁ ଆପଣଙ୍କୁ ଅପେକ୍ଷା କରିବାକୁ ପଡ଼ିବ ।