ନିଖିଳ ଓଡ଼ିଶା ଓପନ୍ ସ୍ନକର
ଭୁବନେଶ୍ୱର: ନୟାପଲ୍ଲୀସ୍ଥିତ ଭିଣ୍ଟେଜ୍ କ୍ଲବ୍ ପରିସରରେ ଚାଲିଥିବା ସପ୍ତମ ଏମ୍ଆଇଇଟି ନିଖିଳ ଓଡ଼ିଶା ଓପନ୍ ସ୍ନକର ପ୍ରତିଯୋଗିତାରେ ପ୍ରଥମ ଥର ପାଇଁ ସର୍ବାଧିକ ବ୍ରେକ୍ ଦେଖିବାକୁ ମିଳିଛି। ଗୁରୁବାର ଏହି ସଫଳତା ଆକାଶ ମହାପାତ୍ରଙ୍କ ନାମକୁ ଯାଇଛି। ଆକାଶ ୭୩ ପଏଣ୍ଟ୍ର ସର୍ବାଧିକ ବ୍ରେକ୍ ପାଇଥିଲେ। ସେ ଗୁରୁବାର ମୁକାବିଲାରେ ଜ୍ଞାନ ଦାଶଙ୍କୁ ୩-୦ରେ ହରାଇଥିଲେ। ଅନ୍ୟ ମ୍ୟାଚ୍ ଗୁଡ଼ିକରେ ବିରାଜ ଦାଶ ୨-୦ରେ ସତ୍ୟବ୍ରତ ସ୍ୱାଇଁଙ୍କୁ, ରାକେଶ ମହାନ୍ତି ୩-୦ରେ ଶୁଭ୍ରଜିତ୍ ପଟ୍ଟନାୟକଙ୍କୁ, ମିଶାଲ ସ୍ୱାଇଁ ୩-୧ରେ ଗୋବିନ୍ଦ ଶର୍ମାଙ୍କୁ, ସୁବ୍ରତ ଦାସ ୩-୦ରେ ମୁନା ପରିଡ଼ା ଓ ୩-୧ରେ ହର୍ଷ ଲାମ୍ବାଙ୍କୁ, ଶ୍ୟାମ ଅଗ୍ରଓ୍ଵାଲ୍ ୩-୧ରେ ଗୌତମ ଦାଶଙ୍କୁ, ରଜତ ଧଳ ୩-୦ରେ ରାଜେଶ ସ୍ୱାଇଁଙ୍କୁ, ଅଶ୍ୱିନୀ ପଟ୍ଟନାୟକ ୩-୧ରେ ନୀତେଶ ପଟ୍ଟନାୟକଙ୍କୁ, ଅନୁଜ ପଣ୍ଡା ୩-୦ରେ ସରୋଜ ଦାସଙ୍କୁ, କୁନାଲ ଅଗ୍ରଓ୍ଵାଲ୍ ୩-୦ରେ ପଦ୍ମାସନ ନାଏକଙ୍କୁ, ଅମୀୟ ନାୟକ ୩-୦ରେ ମୟଙ୍କ ମାଢ଼ିଙ୍କୁ, ଚନ୍ଦ୍ର ମହାନ୍ତି ୩-୧ରେ ଜଗଦୀଶ ମହାନ୍ତିଙ୍କୁ, ରାକେଶ ପ୍ରଧାନ ୩-୦ରେ ରୋହିତ ଶର୍ମାଙ୍କୁ ଅବିନାଶ ମହାପାତ୍ର ୩-୧ରେ ଉସ୍ମାନ୍ ଖାନ୍ଙ୍କୁ ଗୋଦ୍ୱିନ୍ କୁଲୁ ୩-୦ରେ ଶିବାଶିଷ ବିଶ୍ୱାଳଙ୍କୁ, ଜାକିର ଅଲ୍ଲୀ ଖାନ୍ ୩-୧ରେ ଆଶିଷ ପାତ୍ରଙ୍କୁ ଏବଂ ସିଦ୍ଧାର୍ଥ ସେନ୍ ୩-୧ରେ ତରୁଣ ପଟ୍ଟନାୟକଙ୍କୁ ପରାସ୍ତ କରିଛନ୍ତି।