ନୂଆଦିଲ୍ଲୀ: ଭାରତର ପୂର୍ବତନ ବ୍ୟାଟ୍ସମ୍ୟାନ୍ ବୀରେନ୍ଦ୍ର ସେହୱାଗ ସୌରଭ ଗାଙ୍ଗୁଲିଙ୍କ ନେତୃତ୍ୱକୁ ଅଧିନାୟକତ୍ୱ ଦୃଷ୍ଟିରୁ ସର୍ବୋଚ୍ଚ ରଖିଛନ୍ତି। ସୌରଭ ଗାଙ୍ଗୁଲି ଏବଂ ବିରାଟ କୋହଲିଙ୍କ ଅଧିନାୟକତ୍ୱକୁ ନେଇ ବୀରେନ୍ଦ୍ର ସେହୱାଗ ଏକ ବଡ଼ ଦାବି କରିଛନ୍ତି। ଭାରତୀୟ ଓପନର୍ କହିଛନ୍ତି ଯେ ବିରାଟ କୋହଲି ଅଧିନାୟକ ଭାବରେ ସର୍ବୋତ୍ତମ ହୋଇପାରନ୍ତି, ତଥାପି ସେ ଗାଙ୍ଗୁଲିଙ୍କ ଭଳି ଦଳ ଗଠନ କରିପାରନ୍ତି ନାହିଁ। ବୀରେନ୍ଦ୍ର ସେହୱାଗ କହିଛନ୍ତି, “ସୌରଭ ଗାଙ୍ଗୁଲି ଏକ ନୂତନ ଦଳ ଗଠନ କରିଥିଲେ। ସେ ନୂତନ ଖେଳାଳି ଆଣିଥିଲେ ଏବଂ ସେମାନଙ୍କ ଉନ୍ନତି-ଅବନତି ସମୟରେ ସେମାନଙ୍କୁ ସମର୍ଥନ କରିଥିଲେ। ମୁଁ ସନ୍ଦେହ କରୁଛି ଯେ କୋହଲି ତାଙ୍କ କାର୍ଯ୍ୟକାଳରେ ଏହା କରିଛନ୍ତି କି ନାହିଁ।”
Sambad is now on WhatsApp
Join and get latest news updates delivered to you via WhatsApp
ଦୁଇଥର ବିଶ୍ୱକପ ବିଜେତା ଖେଳାଳି କହିଛନ୍ତି ଯେ କୋହଲିଙ୍କ ଅଧିନାୟକତ୍ୱ ସମୟରେ ୨-୩ ବର୍ଷ ଏମିତି ଥିଲା ଯେତେବେଳେ ପ୍ରତ୍ୟେକ ଟେଷ୍ଟ ପରେ ଦଳ ବଦଳିଯାଉଥିଲା । ସେହୱାଗ କହିଛନ୍ତି, ” କୋହଲିଙ୍କ ସମୟରେ ଦଳ ଜିତୁଥିଲା ବା ହାରୁଥିଲା, ପ୍ରତ୍ୟେକ ଥର ଖେଳାଳି ପରିବର୍ତ୍ତନ ହେଉଥିଲେ | ମୋ ମତରେ ୧ ନମ୍ବର ଅଧିନାୟକ ହିଁ ଦଳ ଗଠନ କରନ୍ତି ଏବଂ ତାଙ୍କ ଖେଳାଳିଙ୍କୁ ଆତ୍ମବିଶ୍ୱାସ ପ୍ରଦାନ କରନ୍ତି। ସେ (କୋହଲି) କିଛି ଖେଳାଳିଙ୍କୁ ସମର୍ଥନ କରିଥିଲେ, କିଛିଙ୍କୁ ସମର୍ଥନ କରିନଥିଲେ।”