ତିରୁପତି ଷ୍ଟେସନରେ ଆଧୁନିକୀକରଣ କାର୍ଯ୍ୟ, ୧୧ ଟ୍ରେନ୍ ବାତିଲ୍
ଭୁବନେଶ୍ବର : ଦକ୍ଷିଣ କେନ୍ଦ୍ରୀୟ ରେଳପଥ ଅଧୀନ ଗୁଣ୍ଟାକାଲ ରେଳମଣ୍ଡଳ ଅନ୍ତର୍ଗତ ତିରୁପତି ରେଳ ଷ୍ଟେସନର ଦକ୍ଷିଣ ପାର୍ଶ୍ୱରେ ୟାର୍ଡ ନବୀକରଣ, ସିଗନାଲ୍ ବ୍ୟବସ୍ଥା ଓ ବିଦ୍ୟୁତକରଣ କାର୍ଯ୍ୟ ହେବ। ଏଥିସହ ନିରାପତ୍ତା ସମ୍ବନ୍ଧୀୟ ଆଧୁନିକୀକରଣ କାର୍ଯ୍ୟକୁ ଦୃଷ୍ଟିରେ ରଖି ପୂର୍ବତଟ ରେଳପଥ ମଧ୍ୟରେ ଚଳାଚଳ କରୁଥିବା କେତେକ ଟ୍ରେନ ସେବାକୁ ବାତିଲ୍ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ବାତିଲ୍ ହୋଇଥିବା ଟ୍ରେନ୍ଗୁଡ଼ିକ ତିରୁପତି-ବିଶାଖାପାଟଣା ସ୍ବତନ୍ତ୍ର ଟ୍ରେନ୍ ଓ ତିରୁପତି-ପୁରୀ ସ୍ବତନ୍ତ୍ର ଟ୍ରେନ୍ ତିରୁପତିଠାରୁ ମାର୍ଚ୍ଚ ୫ରୁ ୧୨ ତାରିଖ ମଧ୍ୟରେ ବାତିଲ ରହିବ। ଭୁବନେଶ୍ୱର-ତିରୁପତି ସ୍ବତନ୍ତ୍ର ଟ୍ରେନ୍ ଭୁବନେଶ୍ୱରରୁ ଓ ବିଶାଖାପାଟନମ୍-ତିରୁପତି ସ୍ପେସାଲ୍ ବିଶାଖାପାଟଣାଠାରୁ ମାର୍ଚ୍ଚ ୬ରେ ବାତିଲ ରହିବ। ତିରୁପତି-ଭୁବନେଶ୍ୱର ସ୍ବତନ୍ତ୍ର ଟ୍ରେନ୍ ତିରୁପତିରୁ ଓ ଭୁବନେଶ୍ୱର-ତିରୁପତି ସ୍ପେସାଲ୍ ଭୁବନେଶ୍ୱରରୁ ମାର୍ଚ୍ଚ ୭ ତାରିଖ, ତିରୁପତି-ବିଳାସପୁର ସ୍ବତନ୍ତ୍ର ତିରୁପତିରୁ ମାର୍ଚ୍ଚ ୭ ଓ ୧୧, ପୁରୀ-ତିରୁପତି ସ୍ବତନ୍ତ୍ର ଟ୍ରେନ୍ ପୁରୀରୁ ମାର୍ଚ୍ଚ ୭ରୁ ୧୪ ମଧ୍ୟରେ, ତିରୁପତି-ଭୁବନେଶ୍ୱର ସ୍ବତନ୍ତ୍ର ତିରୁପତିରୁ ମାର୍ଚ୍ଚ ୮, ବିଶାଖାପାଟନମ୍-ତିରୁପତି ସ୍ବତନ୍ତ୍ର ବିଶାଖାପାଟଣାରୁ ମାର୍ଚ୍ଚ ୮ରୁ ୧୩, ବିଳାସପୁର-ତିରୁପତି ସ୍ବତନ୍ତ୍ର ବିଳାସପୁରରୁ ମାର୍ଚ୍ଚ ୯ ଓ ୧୩ ତାରିଖ ଦିନ ବାତିଲ ରହିବ।
ଅନ୍ୟପକ୍ଷରେ ମାର୍ଚ୍ଚ ୪ରେ ବିଶାଖାପାଟଣାରୁ ଛାଡ଼ିବାକୁ ଥିବା ବିଶାଖାପାଟନମ୍-ତିରୁପତି ସ୍ବତନ୍ତ୍ର ଟ୍ରେନ୍ ରେନିଗୁଣ୍ଟା ଓ ତିରୁପତି ମଧ୍ୟରେ ଆଶିଂକ ବାତିଲ୍ ରହିବ। ମାର୍ଚ୍ଚ ୭ରେ ନାଗେରକୋଏଲରୁ ଛାଡ଼ିବାକୁ ଥିବା ନାଗେରକୋଏଲ୍-ଶାଲିମର ସ୍ବତନ୍ତ୍ର ଟ୍ରେନ୍ ମାର୍ଚ୍ଚ ୮ରେ ଯଶୋବନ୍ତପୁରଠାରୁ ଛାଡ଼ିବାକୁ ଥିବା ଯଶୋବନ୍ତପୁର-ଟାଟା ସ୍ବତନ୍ତ୍ର ଓ ମାର୍ଚ୍ଚ ୧୧ରେ ଯଶୋବନ୍ତପୁରରୁ ଛାଡ଼ିବାକୁ ଥିବା ଯଶୋବନ୍ତପୁର-ହାଟିଆ ସ୍ବତନ୍ତ୍ର ଏହାର ନିର୍ଧାରିତ ମାର୍ଗ କାଟପାଡି-ତିରୁପତି-ରେନିଗୁଣ୍ଟା ମାର୍ଗ ପରିବର୍ତ୍ତେ କାଟପାଡି-ମେଲପାକକାମ-ରେନିଗୁଣ୍ଟା ମାର୍ଗ ଦେଇ ଚଳାଚଳ କରିବ। କଡପ୍ପା-ବିଶାଖାପାଟନମ୍-କଡପ୍ପା ସ୍ବତନ୍ତ୍ର ଟ୍ରେନ୍ କଡପ୍ପାଠାରୁ ମାର୍ଚ୍ଚ ୧୧ ଓ ୧୨ ତାରିଖ ଓ ବିଶାଖାପାଟଣା ଷ୍ଟେସନରୁ ମାର୍ଚ୍ଚ ୧୦ ଓ ୧୧ରେ ଯାତ୍ରା ସମୟରେ ତିରୁପତି ଷ୍ଟେସନକୁ ଯିବନାହିଁ ବୋଲି ପୂର୍ବତଟ ରେଳପଥ ପକ୍ଷରୁ ସୂଚନା ଦିଆଯାଇଛି।