ଯାତ୍ରୀମାନଙ୍କ ପାଇଁ ଓଡ଼ିଶା ରାଜ୍ୟ ସଡ଼କ ପରିବହନ ନିଗମ ପକ୍ଷରୁ ନିଃଶୁଳ୍କ ଟେଲିଫୋନ୍ ସେବା
ଭୁବନେଶ୍ବର : ଓଡ଼ିଶା ରାଜ୍ୟ ସଡ଼କ ପରିବହନ ନିଗମ ପକ୍ଷରୁ ଯାତ୍ରୀମାନଙ୍କୁ ବସ ଯାତ୍ରା ସମ୍ପର୍କରେ ସୂଚନା ଓ ଆପତ୍ତି ଅଭିଯୋଗ ଦାଖଲ ପାଇଁ ୨୪ ଘଣ୍ଟିଆ ନିଃଶୁଳ୍କ ଟେଲିଫୋନ ସେବା ଆରମ୍ଭ କରିବାକୁ ନିଷ୍ପତ୍ତି ନିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ନିଗମ ପକ୍ଷରୁ ଜାରି ପ୍ରେସ ଇସ୍ତାହାର ଅନୁଯାୟୀ, ଭୁବନେଶ୍ବର ସ୍ଥିତ ପରିବହନ ଭବନରେ ଓଏସଆରଟିସି ମୁଖ୍ୟାଳୟରେ ଏହି ଟେଲିଫୋନ ବ୍ୟବସ୍ଥା କାର୍ଯ୍ୟକରିବ। ଯାତ୍ରୀମାନଙ୍କ ପାଇଁ ଓଏସଆରଟିସି ପକ୍ଷରୁ ଜାରି କରାଯାଇଥିବା ନିଃଶୁଳ୍କ ଟେଲିଫୋନ ନମ୍ବର ହେଲା ୧୮୦୦-୩୪୫-୧୧୨୨। ଏହି ନମ୍ବରଟି ପ୍ରତ୍ୟେକ ଦିନ ଦିବାରାତ୍ର କାର୍ଯ୍ୟ କରିବ। ମୁଖ୍ୟମନ୍ତ୍ରୀଙ୍କ ୫’ଟି’ ଆଧାରରେ ଯାତ୍ରୀମାନଙ୍କୁ ଅଧିକରୁ ଅଧିକ ଉନ୍ନତମାନର ସେବା ଯୋଗାଇବା ଲକ୍ଷ୍ୟରେ ଏହି ନିଃଶୁଳ୍କ ଟେଲିଫୋନ ସେବା ଉପଲବ୍ଧ କରିବାକୁ ନିଗମ ପକ୍ଷରୁ ନିଷ୍ପତ୍ତି ନିଆଯାଇଛି ବୋଲି ପ୍ରେସ ଇସ୍ତାହାରରେ ଜଣାଇଦିଆଯାଇଛି।