ପୋଖରୀରେ ବୁଡ଼ି ପଞ୍ଚାୟତ ଜଗୁଆଳି ମୃତ
ରିଆମାଳ : ରିଆମାଳ ଥାନା ଗୁଣ୍ଡିଆପାଲି ପଞ୍ଚାୟତର ରାତ୍ର ଜଗୁଆଳି ଯାତ୍ରା ନାୟକ (୫୫)ଙ୍କ ପୋଖରୀରେ ବୁଡ଼ି ମୃତ୍ୟୁ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଯାତ୍ରା ଗୁରୁବାର ଅପରାହ୍ଣ ୩ ଟାରେ ନିକଟସ୍ଥ ପୋଖରୀକୁ ଗାଧୋଇବାକୁ ଯାଇଥିଲେ। ଫେରିବାରେ ବିଳମ୍ବ ହେବାରୁ ପରିବାର ଲୋକ ଖୋଜା ଖୋଜି କରି ନିରାଶ ହୋଇଥିଲେ। ଏ ବାବଦରେ ପରିବାର ଲୋକ ସରପଞ୍ଚ ପ୍ରକାଶ ଆଚାର୍ଯ୍ୟଙ୍କୁ ଖବର ଦେଇଥିଲେ। ସେ ଏ ବାବଦରେ ଅଗ୍ନିଶମ ବିଭାଗ ଓ ଥାନାକୁ ଜଣାଇଥିଲେ। ସ୍ଥାନୀୟ ଲୋକ ପୋଖରୀ ଭିତରେ ପଶି ଯାତ୍ରାଙ୍କ ଶବକୁ ପାଇଥିଲେ। ସନ୍ଧ୍ୟା ୬ ଟା ରେ ଶବ ଉଦ୍ଧାର ହୋଇଥିଲା। ରିଆମାଳ ଥାନା ପୁଲିସ ପହଞ୍ଚି ଶବକୁ ଜବତ କରି ତଦନ୍ତ ଆରମ୍ଭ କରିଛନ୍ତି। ଯାତ୍ରା ଦୀର୍ଘ ୧୫ ବର୍ଷରୁ ଅଧିକ ହେବ ପଞ୍ଚାୟତରେ ଜଗୁଆଳ କାର୍ଯ୍ୟ କରି ଆସୁଥିଲେ। ତାଙ୍କ ବିୟୋଗରେ ସ୍ତ୍ରୀ ସହ ୪ଟି ପୁଅ ଓ ଜଣେ ଝିଅ ଅସହାୟ ହୋଇପଡ଼ିଛନ୍ତି। ତାଙ୍କ ପରିବାରକୁ ସରକାରୀ ସହାୟତା ଯୋଗାଇ ଦେବାକୁ ଦାବି ହେଉଛି।