ମାଲକାନାଗିରି : ମାଲକାନାଗିରି ଜିଲ୍ଲାରେ ବସବାସ କରୁଥିବା ଆଦିମ ଆଦିବାସୀଙ୍କ ମଧ୍ୟରେ ଏବେବି ଜାରି ରହିଛି ଏକ ନିଆରା ପରମ୍ପରା। ଏହି ପରମ୍ପରା ଅନୁଯାୟୀ ରାଗ ରୁଷା ଦୂର କରିବା ପାଇଁ ଆଦିବାସୀମାନେ ପରସ୍ପର ମଧ୍ୟରେ କରିଥାନ୍ତି ରକ୍ତାକ୍ତ ସଂଘର୍ଷ । ପରସ୍ପରକୁ ଆଘାତ ଦେଇ ନିଆରା ଝାଟି ପର୍ବ ପାଳନ କରୁଛନ୍ତି ମାଲକାନଗିରି ଜିଲ୍ଲାର ଆଦିମ ଦିଦାୟୀ ଜନଜାତିର ଆଦିବାସୀ । ସଲପ ଗଛ ଡାଳରୁ ଚାବୁକ ତିଆରି କରି ଗାଁ ଦାଣ୍ଡରେ ଚାଲେ ରକ୍ତର ଖେଳ । ପୌଷ ସଂକ୍ରାନ୍ତିରେ ଏହି ଝାଟି ପରବ ସାଙ୍ଗକୁ ଦିଦାୟୀ ସମ୍ପ୍ରଦାୟର ଗାଁ ମୁଖିଆ ବାଛିବାର ପରମ୍ପରା ରହିଛି।
Sambad is now on WhatsApp
Join and get latest news updates delivered to you via WhatsApp
ଦିଦାୟୀ ସମ୍ପ୍ରଦାୟର ନିଆରା ପରମ୍ପରା । ପରସ୍ପରକୁ ଆଘାତ ଦେଇ ଝାଟି ପର୍ବ ପାଳନ କରୁଛନ୍ତି ଆଦିମ ଜନଜାତିର ଲୋକେ । । ସଲପ ଡାଳରେ ଚାବୁକ ଦିଆରି କରିବା ପରେ ଗାଁ ଦାଣ୍ଡ ରେ ଜମେ ରକ୍ତାକ୍ତ ସଂଘର୍ଷର ଆସର । ପରସ୍ପରକୁ ମାଡ ମାରି ରକ୍ତାକ୍ତ କରିଥାନ୍ତି ଏହି ଆଦିମ ଆଦିବାସୀମାନେ । ପରେ ଆଲିଙ୍ଗନ କରି ପୂର୍ବ ଶତ୍ରୁତାକୁ ଦୁର କରିବାର ନିଆରା ପରମ୍ପରା ଆଜି ବି ବଜାୟ ରହିଛି। ପ୍ରତିବର୍ଷ କୁଡୁମୁଲୁଗୁମା ବ୍ଲକ ଓରିଙ୍ଗି ଗାଁରେ ଏଭଳି ଆୟୋଜନ କରିଥାନ୍ତି ଦିଦାୟୀ ସମ୍ପ୍ରଦାୟର ଲୋକେ ।
ଝାଟି ପର୍ବକୁ ସିମ୍ବ ପର୍ବ ମଧ୍ୟ କୁହାଯାଇଥାଏ । କାରଣ ଏହି ଦିନ ସିମ୍ବ ଓ କଖାରୁ ପରି ପନିପରିବାକୁ ପୂଜାର୍ଚ୍ଚନା କରି ଗାଁର ଅଧିଷ୍ଠାତ୍ରୀ ଦେବୀଙ୍କୁ ଭୋଗ ଲାଗି କରାଯାଇଥାଏ । । ଏଥି ସହ ଆଗାମି ବର୍ଷ ପାଇଁ ଗାଁ ମୁଖିଆ ଓ ଚାଲାଣ ମଧ୍ୟ ବାଛା ଯାଏ ।
ମାଲକାନଗିରି ଜିଲ୍ଲାର କେବଳ କୁଡୁମୁଲୁଗୁମା ବ୍ଲକର ପ୍ରାୟ ୨୫ଟି ଗାଁରେ ଆଦିମ ପ୍ରଜାତିର ଆଦିବାସୀମାନେ ବସବାସ କରିଥାନ୍ତି । ଏମାନଙ୍କ ପାଇଁ ଦିଦାୟୀ ଉନ୍ନୟନ ସଂସ୍ଥା ନାମକ ସ୍ୱତନ୍ତ୍ର ସଂସ୍ଥା କାମ କରୁଛି ।