ଭୁବନେଶ୍ୱରରେ ପେଟ୍ରେଲ ଦର ତଳକୁ ଖସିଲା ଡିଜେଲ ଦର
ନୂଆଦିଲ୍ଲୀ : ବିଗତ କିଛି ମାସ ଧରି ଭୁବନେଶ୍ୱରରେ ଡିଜେଲ ଦର ପେଟ୍ରୋଲ ତୁଳନାରେ ଅଧିକ ରହିଆସିଥିଲା । କିନ୍ତୁ ଏବେ ଡିଜେଲ ଦର ପେଟ୍ରୋଲ ଠାରୁ କମିଯାଇଛି । ଗତ କାଲି ପେଟ୍ରୋଲ ଦର ଅପରିବର୍ତ୍ତିତ ଥିବାବେଳେ ଡିଜେଲ ଦର ଲିଟର ପିଛା ୭-୯ ପଇସା ହ୍ରାସ ପାଇଥିଲା । ଏହା ଫଳରେ ଭୁବନେଶ୍ୱରରେ ଡିଜେଲ ଲିଟର ପିଛା ଟ.୬୯.୨୦ରେ ବିକ୍ରି ହେଉଥିବାବେଳେ ପେଟ୍ରୋଲ ଦର ଲିଟର ପିଛା ଟ.୬୯.୨୮ରେ ବିକ୍ରି ହେଉଛି । ଗତ ଗୁରବାର ଦିନ ପେଟ୍ରୋଲ ଦର ୧୧ରୁ ୧୩ ପଇସା ବୃଦ୍ଧି ପାଇଥିଲା । ବିଗତ ୨ ମାସ ପରେ ପ୍ରଥମ ଥର ପାଇଁ ପେଟ୍ରୋଲ ଦରରେ ଏହି ବୃଦ୍ଧି ହୋଇଥିଲା ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ ଅନ୍ତର୍ଜାତୀୟ ବଜାରରେ ଅତି ଦ୍ରୁତ ଗତିରେ ତେଲ ଦର କମୁଥିବାବେଳେ ଭାରତୀୟ ବଜାରରେ ତେଲ କମ୍ପାନିମାନେ ସେହି ଅନୁପାତରେ ଦର କମାଉ ନାହାନ୍ତି । ଅନ୍ତର୍ଜାତୀୟ ବଜାରରେ ବ୍ରେଣ୍ଟ କ୍ରୁଡ ମୂଲ୍ୟ ୬୬.୭୬ ଡଲାର ଓ ଇଣ୍ଡିଆନ ବାସ୍କେଟ ମୂଲ୍ୟ ୬୫.୬୦ ଡଲାରକୁ ହ୍ରାସ ପାଇଛି । ଦିଲ୍ଲୀରେ ଏବେ ପେଟ୍ରୋଲ ଦର ଟ.୭୬.୭୧ ଓ ଡିଜେଲ ଦର ଲିଟର ପିଛା ଟ.୭୧.୫୬ ରେ ପହଞ୍ଚିଛି ବୋଲି ଇଣ୍ଡିଆନ ଅଏଲ ପକ୍ଷରୁ ଜାରି ଦର ତାଲିକାରେ କୁହାଯାଇଛି ।