ଶନିଦେବ ଏବଂ ଯମରାଜଙ୍କ ମଧ୍ୟରେ ଥିବା ପାର୍ଥକ୍ୟକୁ ନେଇ ପୁଲିସ ବେମାଲୁମ୍! କରିଦେଲା ଏତେ ବଡ଼ ଭୁଲ, ଭକ୍ତ ରାଗିଲେ
ବରେଲି : ସମଗ୍ର ଦେଶ ଶନି ଦେବଙ୍କୁ ନ୍ୟାୟର ଦେବତା ବୋଲି ମାନୁଥିବା ବେଳେ ତାଙ୍କର ମଜା ଉଡ଼ାଇଛି ମଧ୍ୟପ୍ରଦେଶ ପୁଲିସ। ଘଟଣାଟି ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ବରେଲିରେ ଥିବା କ୍ୟାଣ୍ଟନମେଣ୍ଟ ଥାନା ଅଞ୍ଚଳରେ ଥିବା ଏକ ମନ୍ଦିରରୁ ଶନିଙ୍କ ମୂର୍ତ୍ତି ଚୋରି ହୋଇଯାଇଥିଲା । ଏ ନେଇ ମନ୍ଦିର କର୍ମଚାରୀମାନଙ୍କ ତରଫରୁ ଅଭିଯୋଗ ହେବା ପରେ ପୁଲିସ ଅଭିଯୋଗ ଗ୍ରହଣ କରି ଲୋକମାନଙ୍କ ଆକ୍ରୋଶରୁ ବଞ୍ଚିବା ପାଇଁ ଏକ ନୂଆ ମୂର୍ତ୍ତି ଆଣି ସ୍ଥାପନ କରିଥିଲା । କିନ୍ତୁ ପୁଲିସ ତରବରିଆ ଭାବରେ ଶନିଦେବଙ୍କ ମୂର୍ତ୍ତି ବଦଳରେ ଯମରାଜଙ୍କ ମୂର୍ତ୍ତି ଆଣି ମନ୍ଦିରରେ ସ୍ଥାପନ କରି ଦେଇଥିଲେ । ଏ ନେଇ ମନ୍ଦିରର ପୂଜରୀ ଜାଣିବା ପରେ ପୁଲିସ ଉପରେ ଭକ୍ତମାନଙ୍କୁ ଧୋକା ଦେବାର ଅଭିଯୋଗ ଆଣିଲେ ।
Sambad is now on WhatsApp
Join and get latest news updates delivered to you via WhatsApp
ମନ୍ଦିରର ପୂଜାରୀ ମୌନି ବାବା ଦେଇଥିବା ସୂଚନା ଅନୁଯାୟୀ, ସୋମବାର ରାତିରେ କିଛି ଚୋର ଆସି ମନ୍ଦରରୁ ଶନିଦେବଙ୍କ ମୂର୍ତ୍ତକୁ ଚୋରି କରିନେଇଥିଲେ । ଏ ନେଇ ପୁଲିସରେ ଅଭିଯୋଗ ହେବା ପରେ ପୁଲିସ ତଦନ୍ତ କରିବା ପରିବର୍ତ୍ତେ ରାତିରେ ଯମରାଜଙ୍କ ମୂର୍ତ୍ତିକୁ ଶନିଦେବଙ୍କ ମୂର୍ତ୍ତିଭାବି ସ୍ଥାପନ କରି ଚାଲି ଯାଇଥିଲେ । ସକାଳୁ ପୂଜାରୀ ଏବଂ ଭକ୍ତମାନେ ମନ୍ଦିରରେ ପହଁଞ୍ଚିବା ପରେ ତାହା ଶନିଦେବଙ୍କ ମୂର୍ତ୍ତି ନୁହଁ ବୋଲି ଜାଣି ପାରିଥିଲେ । ଉତକ୍ଷିପ୍ତ ଭକ୍ତମାନେ ହଙ୍ଗାମା କରିବା ପରେ ମନ୍ଦିରର ପୂଜାରୀ ପୁଲିସଙ୍କ ବିରୋଧରେ ଏତଲା ଦେଇଥିଲେ ।