ଭୁବନେଶ୍ୱର/କେନ୍ଦ୍ରାପଡ଼ା: ଗ୍ୟାଙ୍ଗଷ୍ଟର ଟିଟୋ ଓରଫ୍ ସୟଦ ଉସମାନ୍ ଅଲ୍ଲୀ ଓ ତା’ର ସଂପର୍କୀୟଙ୍କ ୫ଟି ବ୍ୟାଙ୍କ ଆକାଉଣ୍ଟ ଅଚଳ କରାଯିବା ନେଇ ଏସ୍ଟିଏଫ୍ ଗୁରୁବାର ସ୍ପଷ୍ଟ କରିଛି। ଏହି ୫ଟି ଆକାଉଣ୍ଟରେ ୧୬,୪୨,୫୬୫ଟଙ୍କାର ଜମା ରହିଛି।
Sambad is now on WhatsApp
Join and get latest news updates delivered to you via WhatsApp
ସେହିପରି ପାରାଦୀପର ଅପରାଧୀ ବାପୁ ପରିଡ଼ା ସହିତ ଟିଟୋ ଗ୍ୟାଙ୍ଗ ସହ ସଂପର୍କ ଥିବା ହେତୁ ତାକୁ ଏସ୍ଟିଏଫ୍ ପଚରାଉଚରା କରିଥିବା ସୂଚନା ମିଳିଛି। ବାପୁ ପରିଡ଼ା ବିରୋଧରେ ହତ୍ୟା, ହତ୍ୟା ଉଦ୍ୟମ ଭଳି ୨୫ ମାମଲା ଅଛି। ବାପୁର ଅନେକଗୁଡ଼ିଏ ଡମ୍ପର ଗାଡ଼ି ଅଛି ଓ ସେଗୁଡ଼ିକରେ ବାଲି ଓ ଚିପ୍ସ ଯୋଗାଣ କରା ଯାଇଥାଏ।
ଗିରଫ ହେବା ପରେ ଟିଟୋ ବିରୋଧରେ ଅନେକ ଗୁଡ଼ିଏ ଅଭିଯୋଗ ଆସିଛି। ସରୋଜିନୀ ମିଶ୍ର ନାମରେ ଜଣେ ମହିଳା ଓ ଗୋଲଡେନ୍ ଲାଣ୍ଡ ଡେଭଲପମେଣ୍ଟର ଅଭିଯୋଗ ଅନୁସାରେ ଟିଟୋ ଓ ତା’ର ସହଯୋଗୀମାନେ ଧମକ ଦେଇ ଜୋରଜବରଦସ୍ତି ବନ୍ଧୁକ ଦେଖାଇ ୩୬ଗୁଣ୍ଠ ଜମି ନେଇ ଯାଇଛନ୍ତି। ଏହି ଜମି ଉପରେ ବର୍ତ୍ତମାନ ବିଆଇପିଏଲ ଗାଡ଼ି ପାଇଁ ଗ୍ୟାରେଜ ତିଆରି କରାଯାଇଛି।
ସେହିଭଳି ପ୍ରେମାନନ୍ଦ ଲେଙ୍କା ନାମରେ ଜଣେ ବ୍ୟକ୍ତି ଅଭିଯୋଗ କରିଛନ୍ତି, ଟିଟୋ ଓ ତା’ର ସହଯୋଗୀମାନେ ବନ୍ଧୁକ ଦେଖାଇ ୭ କୋଟି ଟଙ୍କାର ଟେଣ୍ଡର କାମ ମିଳିବା ପରେ ୭୦ ଲକ୍ଷ ଟଙ୍କାର ଦାଦାବଟି ନେଇଛନ୍ତି। ଏହା କେନ୍ଦ୍ରାପଡ଼ା ଜିଲ୍ଲା ଅନ୍ତର୍ଗତ ରାଜନଗର ଅଂଚଳର ଘଟଣା।
ଟିଟୋର ପତ୍ନୀ ବେନଜୀର ବିବିକୁ ଏସ୍ଟିଏଫ ନେତୃତ୍ୱରେ ଜଣେ ମହିଳା ଇନସପେକ୍ଟର ପଚରାଉଚରା କରିବେ ବୋଲି ଜଣାପଡ଼ିଛି । ବେନଜୀର ଜଣେ ଗୃହିଣୀ ହୋଇଥିଲେ ମଧ୍ୟ ତା’ଙ୍କ ନାମରେ ୯୦ ଲକ୍ଷ ଟଙ୍କା ମୂଲ୍ୟର ଅଡି କ୍ୟୁ୭(ଓଡି ୦୨ ଏଏ ୦୬୮୬) ଗାଡ଼ି, ଏକାଧିକ ତେଲଟାଙ୍କି ଓ ବ୍ୟାବସାୟିକ ସଂସ୍ଥା ଅଛି।