ଜୀବନ ହାରିଲେ ପ୍ରେମ ସଂପର୍କକୁ ନେଇ ଅବସାଦଗ୍ରସ୍ତ ଥିବା ଡାକ୍ତର
ହାଇଦ୍ରାବାଦ: ଅବସାଦଗ୍ରସ୍ତ ଥିବା ଜଣେ ଡାକ୍ତର ଶୁକ୍ରବାର ଦିନ ହାଇଦ୍ରାବାଦସ୍ଥିତ ନିଜ ବାସଭବନରେ ଆତ୍ମହତ୍ୟା କରିଛନ୍ତି। ମୃତ୍ୟୁର ଗୋଟିଏ ଦିନ ପରେ ଶନିବାର ଦିନ ଡାକ୍ତରଙ୍କ ମୃତଦେହ ମିଳିଥିବା ଜଣା ପଡ଼ିଛି। ମୃତକଙ୍କ ନାମ ଦଶାରାପୁ ସୁଭାଷ ବୋଲି ଚିହ୍ନଟ କରିଛି ପୁଲିସ। ଶନିବାର ଦିନ ଡାକ୍ତର ସକାଳୁ ନଉଠିବାରୁ ଏହି ଘଟଣା ସାମ୍ନାକୁ ଆସିଥିଲା। ବାରମ୍ବାର ଚେଷ୍ଟା ପରେ ମଧ୍ୟ ସୁଭାଷଙ୍କ ପରିବାର ଲୋକେ ତାଙ୍କୁ ଉଠାଇବାରେ ବିଫଳ ହୋଇଥିଲେ। ପରେ ତାଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲେ ମଧ୍ୟ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ସୁଭାଷ ଜଣେ ହୃଦରୋଗ ବିଶେଷଜ୍ଞ ଥିଲେ ଏବଂ ହାଇଦ୍ରାବାଦର ଏକ ଘରୋଇ ଡାକ୍ତରଖାନାରେ କାର୍ଯ୍ୟ କରୁଥିଲେ। ମୃତକଙ୍କ ପରିବାର ସଦସ୍ୟ ପୁଲିସକୁ କହିଛନ୍ତି ଯେ, ତାଙ୍କ ପ୍ରେମ ସମ୍ପର୍କକୁ ନେଇ ସୁଭାଷ ଅବସାଦଗ୍ରସ୍ତ ଥିଲେ। ଆତ୍ମହତ୍ୟା ପଛରେ ଏହି କାରଣ ରହିଥାଇପାରେ ବୋଲି ପରିବାର ଲୋକେ କହୁଥିବା ବେଳେ ପୁଲିସ ଏହି ଘଟଣାକୁ ନେଇ ଏକ ମାମଲା ରୁଜୁ କରିଛି ଏବଂ ଘଟଣାର ସତ୍ୟାସତ୍ୟ ଜାଣିବା ପାଇଁ ଅଧିକ ତଦନ୍ତ ଚାଳାଇଛି।