ଫିଲ୍ମ ସୁଟିଂ ପାଇଁ ଆଗ୍ରା ଯାଇଥିବା ବେଳେ ଅଭିନେତ୍ରୀଙ୍କ ସହ ଅସଦାଚରଣ କଲେ ବିଜେପି ବିଧାୟକଙ୍କ ନାତି
ଆଗ୍ରା : ଉତ୍ତରପ୍ରଦେଶର ଆଗ୍ରାକୁ ଜଣେ ଅଭିନେତ୍ରୀ ଫିଲ୍ମର ସୁଟିଂ କରିବାକୁ ଯାଇଥିବା ବେଳେ ଅସଦାଚରଣ ଶିକାର ହୋଇଥିବା ସୂଚନା ମିଳିଛି । ଜଣେ ବିଜେପି ବିଧାୟକଙ୍କ ନାତି ଅଭିନେତ୍ରୀଙ୍କ ସହ ସେ ରହୁଥିବା ହୋଟେଲରେ ଅସଦାଚରଣ କରିଥିଲେ ବୋଲି ଅଭିଯୋଗ ହୋଇଛି । ଯେତେବେଳେ ଅଭିନେତ୍ରୀଙ୍କ ବନ୍ଧୁ ଏହାକୁ ବିରୋଧ କରିଥିଲେ ସେତେବେଳେ ଅଭିଯୁକ୍ତ ନିଜର ସାଥୀମାନଙ୍କ ସାହାଯ୍ୟ ନେଇ ତାଙ୍କୁୁ ମାଡ଼ ମାରିଥିଲେ । ଏ ନେଇ ପୀଡ଼ିତା ଛତା ପୁଲିସରେ ଅଭିଯୋଗ କରିବା ପରେ ପୁଲିସ ଏତଲା ରଖି ମାମଲାର ତଦନ୍ତ ଆରମ୍ଭ କରିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ନୋଏଡ଼ାରେ ରହୁଥିବା ଅଭିନେତ୍ରୀଜଣକ ନିଜର ଦୁଇ ସାଙ୍ଗଙ୍କ ସହ ମିଶି ସେପ୍ଟେମ୍ବର ୨୪ରେ ଏକ ଫିଲ୍ମର ସୁଟିଂ ପାଇଁ ଆଗ୍ରାରେ ଯାଇ ପହଞ୍ଚିଥିଲେ । ରାତି ସମୟରେ ଅଭିନେତ୍ରୀ ଏବଂ ତାଙ୍କର ଦୁଇ ସାଙ୍ଗ ହୋଟେଲରେ ଖାଉଥିବା ବେଳେ ଅଭିଯୁକ୍ତ କୁନାଲ ଠାକୁର ତାଙ୍କର ୮ଜଣ ସାଥୀଙ୍କ ସହ ମିଶି ମଦ ପିଉଥିଲେ । ଏହି ସମୟରେ କୁନାଲ ନିଜ ବସିବା ସ୍ଥାନରୁ ଉଠି ପୀଡ଼ିତାଙ୍କ ପାଖକୁ ଆସିଥିଲେ । ଏହାପରେ ସେ ପୀଡ଼ିତାଙ୍କୁ ଜାବୁଡ଼ି ଧରିବା ସହ ଅଶ୍ଲୀଳ ବ୍ୟବହାର କରିଥିଲେ ଏବଂ ପରେ ନିଜ ଗାଡ଼ିରେ ନେବା ପାଇଁ ଚେଷ୍ଟା କରିଥିଲେ । ଏହାକୁ ବିରୋଧ କରିବାରୁ ପୀଡ଼ିତାଙ୍କ ଦୁଇ ସାଙ୍ଗଙ୍କୁ କୁନାଲଙ୍କ ସାଙ୍ଗମାନେ ମାଡ଼ ମାରିଥିଲେ ।