ହାଇଦ୍ରାବାଦ: ତେଲେଙ୍ଗାନାର ହାଇଦ୍ରାବାଦରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଏକ ବୃଦ୍ଧାଶ୍ରମରେ ବୃଦ୍ଧ/ବୃଦ୍ଧାଙ୍କ ସହିତ ଅମାନବୀୟ ବ୍ୟବହାର କରାଯିବା ଅଭିଯୋଗ ପରେ ପୁଲିସ ଏକ ମାମଲା ରୁଜୁ କରିଛି ।
Sambad is now on WhatsApp
Join and get latest news updates delivered to you via WhatsApp
ପ୍ରକାଶିତ ଖବର ମୁତାବକ, ବୃଦ୍ଧାଶ୍ରମରେ ରହୁଥିବା ବୃଦ୍ଧ/ବୃଦ୍ଧାଙ୍କୁ ଏକ କୋଠରୀରେ ଜଞ୍ଜିରରେ ବାନ୍ଧି ରଖାଯାଇଥିଲା। ବୃଦ୍ଧ/ବୃଦ୍ଧାଙ୍କ କାନ୍ଦ ଶୁଣିବା ପରେ ପଡ଼ିଶାଘର ଲୋକ ପୁଲିସରେ ଅଭିଯୋଗ କରିବା ପରେ ଘଟଣା ସାମ୍ନାକୁ ଆସିଥିଲା।
Telangana: Police rescued 73 people after they were found locked in a room of an old-age home in Nagaram village, on the outskirts of Hyderabad. Case registered under Maintenance&Welfare of Parents&Senior Citizens Act, 2007 against the management of the old-age home. (23.01) pic.twitter.com/lTg7zMW7fS
— ANI (@ANI) January 25, 2020
ଏଭଳି ଏକ ଆଶ୍ଚର୍ଯ୍ୟଜନକ ଘଟଣା ହାଇଦ୍ରାବାଦ ନିକଟସ୍ଥ ନାରଗମ ଗ୍ରାମରେ ଘଟିଛି। ଏଠାରେ ଥିବା ଏକ ଆଶ୍ରମରେ ବନ୍ଦ କୋଠରୀ ଭିତରୁ ୭୩ଜଣ ବୃଦ୍ଧ/ବୃଦ୍ଧାଙ୍କୁ ଉଦ୍ଧାର କରାଯାଇଛି ଏବଂ ସେମାନଙ୍କୁ ଡାକ୍ତରୀ ଚିକିତ୍ସା ପାଇଁ ହସ୍ପିଟାଲ୍ ପଠାଯାଇଛି। ବନ୍ଧକ ଥିବା ବୃଦ୍ଧ/ବୃଦ୍ଧାଙ୍କ ମଧ୍ୟରୁ ଅଧିକାଂଶ ମାନସିକ ରୋଗୀ ଏବଂ ମାନସିକସ୍ତରରେ ଅସନ୍ତୁଳିତ ଥିବା ଜଣାପଡ଼ିଛି। ଏହି ସମସ୍ତଙ୍କୁ ଜଞ୍ଜିରରେ ବନ୍ଧା ଯାଇ ରଖା ଯାଇଥିଲା।
Telangana: Police says, “Case of cheating registered against the management of the old age home after a complaint was received that Psychiatric patients&mentally disturbed persons are being confined in a house with chains & being treated inhumanly. Investigation underway.”(23.01) https://t.co/2UD2rz3r2i
— ANI (@ANI) January 25, 2020
ଏହି ବୃଦ୍ଧାଶ୍ରମ ପାଖରେ ରହୁଥିବା ଲୋକମାନେ ବୃଦ୍ଧାଶ୍ରମ ଭିତରୁ ବୃଦ୍ଧ/ବୃଦ୍ଧାଙ୍କ ବ୍ୟାକୁଳ ଚିତ୍କାର ଶୁଣିବା ପରେ ପୁଲିସକୁ ଖବର ଦେଇଥିଲେ। ଏହାକୁ କେନ୍ଦ୍ର କରି ପୁଲିସ ବୃଦ୍ଧାଶ୍ରମ ବିରୋଧରେ ମେଣ୍ଟେନାନ୍ସ ଆଣ୍ଡ ଓ୍ଵାଲଫେୟାର ଅଫ ପ୍ୟାରେଣ୍ଟସ୍ ଆଣ୍ଡ ସିନିଅର୍ ସିସିଜେନ୍ ଆକ୍ଟ, ୨୦୦୭ ଆଧାରରେ ମାମଲା ରୁଜୁ କରିଥିବା ବେଳେ ଆଶ୍ରମ ପରିଚାଳକଙ୍କ ବିରୋଧରେ ମଧ୍ୟ ମାମଲା ରୁଜୁ କରି ଘଟଣାର ଯାଞ୍ଚ ଆରମ୍ଭ କରିଛି।