ପିଲା ଦିନର ଦୁଇ ବାନ୍ଧବୀ ପରସ୍ପରକୁ କଲେ ବିବାହ, ଜଣେ ଋଣ ନେଇ କଲା ଲିଙ୍ଗ ପରିବର୍ତ୍ତନ,କିନ୍ତୁ ……..
15
ଭିବାନୀ(ହରିୟାଣା): ହରିୟାଣାର ଭିବାନୀରେ ଏକ ଭିନ୍ନ ପ୍ରକାରର ବିବାହ ହୋଇଥିବା ଖବର ମିଳିଛି । ଦୁଇଜଣ ବାନ୍ଧବୀ ପରସ୍ପରକୁ ବିବାହ କରିବା ଏବଂ ବିବାହ ପରେ ସେମାନଙ୍କ ମଧ୍ୟରୁ ଜଣେ ନିଜର ଲିଙ୍ଗ ପରିବର୍ତ୍ତନ କରିବା ଘଟଣାକୁ ନେଇ ଚର୍ଚ୍ଚା ଆରମ୍ଭ ହୋଇଛି । କିନ୍ତୁ ବିବାହ ପରେ ଦୁହିଁଙ୍କ ଜୀବନରେ ଏବେ ଝଡ଼ ସୃଷ୍ଟି ହୋଇ ଯାଇଥିବା ଜଣା ପଡ଼ିଛି । ଲିଙ୍ଗ ପରିବର୍ତ୍ତନ କରି ଯୁବକ ପାଲଟିଥିବା ଯୁବତୀ ନିଜ ପତ୍ନୀଙ୍କ ବାପ ଘର ଲୋକଙ୍କ ଉପରେ ଅଭିଯୋଗ ଆଣିଛନ୍ତି । ବିବାହ ପରେ ତାଙ୍କ ପତ୍ନୀଙ୍କୁ ବାପଘର ଲୋକ ନେଇଯିବା ସହ ଦେଖା କରିବାକୁ ଦେଉ ନଥିବା ଅଭିଯୋଗ ଆଣିଛନ୍ତି ପୀଡ଼ିତ ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଦେଇଥିବା ସୂଚନା ମୁତାବକ, ଲିଙ୍ଗ ପରିବର୍ତ୍ତନ କରି ଯୁବକ ପାଲଟିଥିବା ଯୁବତୀ ଏକାଦଶରେ ପଢ଼ୁଥିବା ବେଳେ ନିଜ ବାନ୍ଧବୀଙ୍କୁ ଭଲ ପାଇ ବସିଥିଲେ । ପାଠ ପଢ଼ା ସହ ଦୁହିଁଙ୍କ ମଧ୍ୟରେ ପ୍ରେମ ହେବା ସହ ଦୁହେଁ ନିକଟତର ହୋଇଥିଲେ । ପରେ ଦୁହେଁ ଏକା ସାଙ୍ଗରେ ରହିବା ପାଇଁ ନିଷ୍ପତ୍ତି ନେଇଥିଲେ । କିନ୍ତୁ ସମଲିଙ୍ଗୀ ସଂପର୍କକୁ ଲୋକମାନେ ଗ୍ରହଣ କହିବେ ନାହିଁ ବୋଲି ଭାବି ଦୁହିଁଙ୍କ ମଧ୍ୟରୁ ଜଣେ ଲିଙ୍ଗ ପରିବର୍ତ୍ତନ କରିବା କଥା ଭାବିଥିଲେ । ଗୋଟେ ବର୍ଷ ପୂର୍ବରୁ ପରିବାରର ଅନୁମତି ନେଇ ଯୁବତୀ ନିଜ ଲିଙ୍ଗ ପରିବର୍ତ୍ତନ କରିଥିବା ବେଳେ ଅକ୍ଟୋବର ୨୯,୨୦୧୮ରେ ଆର୍ଯ୍ୟ ସମାଜ ମନ୍ଦିରରେ ଦୁହେଁ ବିବାହ କରିଥିଲେ । ବିବାହ ପରେ ଦୁହେଁ ନିଜ ନିଜ ଘରେ ରହିବାକୁ ଲାଗିବା ସହ ପରସ୍ପରର ଘରକୁ ଯାଇ ଦେଖା କରୁଥିଲେ । କିନ୍ତ ଡ଼ସେମ୍ବର ୧୯ ପରଠାରୁ ପୀଡ଼ିତ ନିଜ ପତ୍ନୀଙ୍କୁ ଦେଖା ନ କରି ପାରୁ ଥିବା ସହ ତାଙ୍କ ପତ୍ନୀ ନିଜ ଘରେ ନଥିବା ଅଭିଯୋଗ ଆଣିଛନ୍ତି ପୀଡ଼ିତ । ଏ ନେଇ ସେ ପତ୍ନୀଙ୍କ ପରିବାର ଲୋକଙ୍କୁ ଦାୟୀ କରିଛନ୍ତି । ପୁଲିସ ଅଭିଯୋଗ ଗ୍ରହଣ କରି ମାମଲାର ସମାଧାନ କରିବାକୁ ଚେଷ୍ଟା କରୁଥିବା ଜଣା ପଡ଼ିଛି ।