ଅସଦାଚରଣର ଶିକାର ହେଲେ ଯୁବକ, ଟଙ୍କା ପାଇଁ ଯୁବକଙ୍କୁ ଅପହରଣ କରି ମାଡ଼ ମାରିଲେ ମହିଳା
ପୁଣେ : ପୁଣେରେ ଦେଖିବାକୁ ମିଳିଛି ଏକ ଆଶ୍ଚର୍ଯ୍ୟ କରିଦେବା ଭଳି ଘଟଣା । ସବୁ କ୍ଷେତ୍ରରେ ମହିଳାମାନେ ଅସଦାଚରଣର ଶିକାର ହେଉଥିବା ବେଳେ ଏହାର ଠିକ୍ ବିପରୀତ ଘଟଣା ଘଟିଛି ପୁଣେରେ । ଟଙ୍କା ପାଇଁ ଜଣେ ମହିଳା ୨୧ବର୍ଷିୟ ଜଣେ ଯୁବକଙ୍କୁ ଅପହରଣ କରି ତାଙ୍କୁ ମାଡ଼ ମାରିବା ସହ ଅସଦାଚରଣ କରିଥିବା ଜଣା ପଡ଼ିଛି । ଏ ନେଇ ପୀଡ଼ିତଙ୍କ ପରିବାର ଲୋକେ ପୁଲିସରେ ଅଭିଯୋଗ କରିବା ପରେ ଅଭିଯୁକ୍ତ ମହିଳାଙ୍କ ସମେତ ଅନ୍ୟ ୪ଜଣଙ୍କୁ ଗିରଫ କରିଛି ପୁଲିସ ।
ସୂଚନା ମୁତାବକ,ଉଷା ସାଲୁଙ୍କେ(୩୬) ନାମ୍ନୀ ଜଣେ ମହିଳା ଅଭିଯୁକ୍ତ ମହିଳାଙ୍କଠାରୁ କିଛି ବର୍ଷ ପୂର୍ବେ ୫୦,୦୦୦ଟଙ୍କା ଉଧାର ନେଇଥିଲେ । ଧୀରେ ଧୀରେ କରି ଉଷା ଅଭିଯୁକ୍ତ ମହିଳାଙ୍କ ଟଙ୍କା ଫେରାଇ ଦେଇଥିବା ବେଳେ ସୁଧ ୧୦,୦୦୦ଟଙ୍କା ଅଧିକ ଦେବା ପାଇଁ ଅଭିଯୁକ୍ତ ମହିଳା କହିଥିଲେ ।
Sambad is now on WhatsApp
Join and get latest news updates delivered to you via WhatsApp
ତେବେ, ଉଷା ଆଉ ଅଧିକ ଟଙ୍କା ଦେବା ପାଇଁ ମନା କରିବାରୁ ଅଭିଯୁକ୍ତ ମହିଳା ଜଣଙ୍କ ଉଷାଙ୍କ ପୁଅ ମହେଶ ସାଲୁଙ୍କେକୁ ଅପହରଣ କରି ନେଇଥିଲେ । ମହେଶଙ୍କୁ ଅପହରଣ କରି ଯଦି ବଳକା ଟଙ୍କା ନ ଦିଆ ଯାଏ ତେବେ ତୁମ ପୁଅକୁ ମାରି ଦିଆଯିବ ବୋଲି ଅଭିଯୁକ୍ତ ମହିଳା ଉଷାଙ୍କୁ ଧମକ ଦେଇଥିଲେ । ଧମକ ପାଇ ଉଷା ଅନ୍ୟ କିଛି ବାଟ ନ ପାଇ ପୁଲିସରେ ଏତଲା ଦେଇଥିଲେ । ପୁଲିସ ଏତଲା ପାଇବା ପରେ ଘଟଣା ସ୍ଥଳରେ ପହଞ୍ଚି ଅଭିଯୁକ୍ତ ମହିଳା ଏବଂ ତାଙ୍କର ୪ସହଯୋଗୀଙ୍କୁ ଗିରଫ କରିଥିଲା । ଅଭିଯୁକ୍ତ ମହିଳାଙ୍କୁ ଗିରଫ ପରେ ପୁଲିସ ମହିଳାଙ୍କ ନାମ ଗୋପନ ରଖିଥିବା ଜଣା ପଡ଼ିଛି ।