ନୟାଗଡ଼/ଭୁବନେଶ୍ୱର: ଇଟାମାଟି ଥାନା ଅନ୍ତର୍ଗତ ଘଡୁଆଲ ପେଟ୍ରୋଲ ପମ୍ପ ନିକଟରେ ଶନିବାର ଏକ ବାଇକ୍କୁ ଦ୍ରୁତଗାମୀ ଟ୍ରକ ଶକ୍ତ ଧକ୍କା ଦେବାରୁ ଜଣେ ଝିଅର ମୃତ୍ୟୁ ଘଟିଥିବା ବେଳେ ବାପ ଓ ପୁଅ ଗୁରୁତର ହେବାରୁ ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଲାଠିପଡ଼ା ଗ୍ରାମର ସାଗର ମହାରଣା ନିଜ ୧୦ ବର୍ଷିଅ ପୁଅ ଚିନୁ ଓ ୭ ବର୍ଷୀୟ ଝିଅ ଲକ୍ଷ୍ମୀଙ୍କୁ ନେଇ ବାଇକ ଯୋଗେ ଯାଉଥିଲେ। ଏହି ସମୟରେ ଭଲ ଦିଗରୁ ଏକ ଟ୍ରକ୍ ଆସି ଶକ୍ତ ଧକ୍କା ଦେଇଥିଲା। ଘଟଣାସ୍ଥଳରେ ଲକ୍ଷ୍ମୀଙ୍କର ମୃତ୍ୟୁ ଘଟିଥିବା ବେଳେ ସାଗର ଓ ଚିନୁଙ୍କୁ ସ୍ଥାନୀୟ ଲୋକଙ୍କ ସହାୟତାରେ ହସ୍ପିଟାଲ୍ରେ ଭର୍ତ୍ତି କରାଯାଇଛି।
ସୂଚନା ମିଳିବା ପରେ ପୁଲିସ ଘଟଣାସ୍ଥଳରେ ପହଂଚି ମୃତଦେହ ଜବତ କରି ପୋଷ୍ଟମର୍ଟମ ପାଇଁ ପଠାଇଛି। ସ୍ଥାନୀୟ ହସ୍ପିଟାଲରେ ପ୍ରାଥମିକ ଚିକିତ୍ସା ଉପଲବ୍ଧ କରାଯିବା ପରେ ବାପ-ପୁଅଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଛି। ଦୁର୍ଘଟଣା ପରେ ଟ୍ରକର ଚାଳକ ଫେରାର ହୋଇ ଯାଇଥିବା ବେଳେ ପୁଲିସ ଟ୍ରକ ଜବତ କରି ଘଟଣାର ତଦନ୍ତ କରୁଛି।