ଗରଦପୁର : ବରିଷ୍ଠ ନେତା ବିଜୟ ମହାପାତ୍ର ଗତକାଲି ବିଜେପିରୁ ଇସ୍ତଫା ପ୍ରଦାନ କରିଛନ୍ତି। ତାଙ୍କ ସମର୍ଥନରେ ଆଜି ପାଟକୁରାର ଶତାଧିକ ବିଜେପି କର୍ମୀ ଓ କାର୍ଯ୍ୟକର୍ତ୍ତା ବିଜେପିରୁ ସମୂହ ଇସ୍ତଫା ଦେଇଛନ୍ତି। ଏହି ଇସ୍ତଫା ପତ୍ର ରାଜ୍ୟ ବିଜେପି ସଭାପତିଙ୍କୁ ପଠାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏଥିପାଇଁ ଆଜି ଏକ ସାମ୍ବାଦିକ ସମ୍ମିଳନୀ ବ୍ଲକ ନିକଟସ୍ଥ ସେଚ ଡାକବ˚ଗଳାରେ ଅନୁଷ୍ଠିତ ହୋଇଥିଲା। ଏଥିରେ ଜିଲ୍ଲା ବିଜେପି ସଭାପତି ଦୁର୍ଯୋଧନ ସାହୁ ଗତକାଲି ବିଜୟଙ୍କ ସ˚ପର୍କରେ ଦେଇଥିବା ମନ୍ତବ୍ୟକୁ କଡ଼ା ନିନ୍ଦା କରାଯାଇଥିଲା। ବିଜୟଙ୍କ ଇସ୍ତଫା ବିଜେପିକୁ ଜିଲ୍ଲାରେ ଧୂଳି ଚଟାଇବ ବୋଲି ବିଜେପି ନେତା ଅମୀୟ କୁମାର ପରିଜା କହିଥିଲେ। ଜୀବନରେ ଥରୁଟିଏ ନିର୍ବାଚନ ଲଢି ୱାର୍ଡମେମ୍ବର ହୋଇ ପାରି ନ ଥିବା ଜିଲ୍ଲା ବିଜେପି କାର୍ଯ୍ୟକର୍ତ୍ତା ବିଜୟଙ୍କୁ ସମାଲୋଚନା କରିବା ପୂର୍ବରୁ ନିଜକୁ ସମୀକ୍ଷା କରନ୍ତୁ ବୋଲି କଟାକ୍ଷ କରାଯାଇଥିଲା। ଗରଦପୁର ବ୍ଲକର ବିଜେପି ସମର୍ଥିତ ୮ଜଣ ନିର୍ବାଚିତ ସରପଞ୍ଚ ଓ ୪ଜଣ ସମିତି ସଭ୍ୟ ବିଜେପିରୁ ସେମାନଙ୍କ ଇସ୍ତଫା ଘୋଷଣା କରିବା ସହିତ ଅନେକ ପୂର୍ବତନ ସରପଞ୍ଚ, ସମିତିସଭ୍ୟ, ପୂର୍ବତନ ଜିଲ୍ଲାପରିଷଦ ସଦସ୍ୟ, ବିଭିନ୍ନ ମଣ୍ତଳ ବିଜେପି ସଭାପତି ଓ ଦଳୀୟ କର୍ମୀ ସାମିଲ ହୋଇ ଇସ୍ତଫା ପ୍ରଦାନ କରିଥିଲେ।
ପ୍ରକାଶଥାଉକି, ଶ୍ରୀ ମହାପାତ୍ର ପାଟକୁରା ନିର୍ବାଚନମଣ୍ଡଳୀରୁ ୧୯୮୦ରୁ ୨୦୦୦ ମସିହା ପର୍ଯ୍ୟନ୍ତ ୪ ଥର ବିଜୟ ହାସଲ କରିଥିଲେ।