ରେଳ ଷ୍ଟେସନରୁ ଉଦ୍ଧାର ମା’-ଝିଅଙ୍କୁ ପରିବାର ଲୋକଙ୍କୁ ହସ୍ତାନ୍ତର
ବାଲେଶ୍ୱର: ଗତ ୨୨ ତାରିଖରେ ବାଲେଶ୍ୱର ରେଳ ଷ୍ଟେସନରୁ ୩ ମାସର ଶିଶୁ ସହ ଉଦ୍ଧାର ହୋଇଥିବା ଜଣେ ଅସୁସ୍ଥ ମହିଳାଙ୍କୁ ଶନିବାର ତାଙ୍କର ପରିବାରକୁ ହସ୍ତାନ୍ତର କରାଯାଇଛି। ଘଟଣା ଦିନ ରେଳ ଷ୍ଟେସନରୁ ଉଭୟ ମା’-ଝିଅଙ୍କୁ ଉଦ୍ଧାର କରାଯାଇ ବାଲେଶ୍ୱର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଥିଲା।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ସୁନ୍ଦରଗଡ଼ ଜିଲ୍ଲା ଭସ୍ମା ଥାନା ଅନ୍ତର୍ଗତ ନୂଆଡ଼ିହି ଅଞ୍ଚଳର ଗଣେଶ ଛତ୍ରିଆଙ୍କ ସ୍ତ୍ରୀ ଆରତୀ ଛତ୍ରିଆ ଓ ଝିଅ ବିନୋଦିନୀ ଛତ୍ରିଆ ସୁନ୍ଦରଗଡ଼ରୁ ବାଲେଶ୍ୱର ପଳାଇ ଆସିଥିଲେ। ଷ୍ଟେସନରେ ସୁଭଦ୍ରା ସ୍ୱାଇଁ ନାଁରେ ଜଣେ ମହିଳା ତାଙ୍କୁ ଅସୁସ୍ଥ ଅବସ୍ଥାରେ ଦେଖି ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆଣି ଭର୍ତ୍ତି କରିଥିଲେ।
ଦୁଇ ଦିନ ଚିକିତ୍ସିତ ହେବା ପରେ ବାଲେଶ୍ୱର ଓ ସୁନ୍ଦରଗଡ ଜିଲ୍ଲା ପୁଲିସଙ୍କ ସହଯୋଗରେ ଉକ୍ତ ମହିଳାଙ୍କ ପରିବାରକୁ ଅବଗତ କରାଯାଇଥିଲା। ତେବେ ଆଜି ସକାଳେ ଉକ୍ତ ମହିଳାଙ୍କ ସ୍ୱାମୀ ଓ ଭଣଜା ବାଲେଶ୍ୱର ମୁଖ୍ୟ ଚିକିତ୍ସାଳୟରେ ପହଞ୍ଚି ଥିଲେ। ପରେ ସେମାନଙ୍କ ଆଧାର କାର୍ଡ଼ ଯାଞ୍ଚ କରି ମା’ ଓ ଶିଶୁକୁ ସାମାଜିକକର୍ମୀ, ସାମ୍ବାଦିକ ବନ୍ଧୁ ଏବଂ ମାନବାଧିକାର ପ୍ରୋଟେକ୍ସନର ଜିଲ୍ଲା ସଭାପତି ଚୈତାଳି ଲୋଧ, ବିକଳାଙ୍ଗ ବିଭାଗର ସଭାପତି ଶୁଭଙ୍କର ମହାନ୍ତିଙ୍କ ଉପସ୍ଥିତିରେ ହସ୍ତାନ୍ତର ପରିବାର ଲୋକଙ୍କୁ କରାଯାଇଛି।