‘ପଦ୍ମାବତ୍’ରେ ରଣବୀର ଏବଂ ଦୀପିକା ପିନ୍ଧିଥିବା ପୋଷାକକୁ ନିଲାମ କରିବେ ଭଂସାଲୀ
ମୁମ୍ବାଇ : ରଣବୀର ଏବଂ ଦୀପିକାଙ୍କ ପ୍ରଶଂସକଙ୍କ ପାଇଁ ଏକ ଖୁସିର ଖବର । ଏବେ ସେମାନେ ନିଜ ମନପସନ୍ଦର କଳାକାର ଫିଲ୍ମରେ ପିନ୍ଧିଥିବା ପୋଷାକ କିଣିବାର ସୁବିଧା ପାଇ ପାରିବେ । କିଛି ଦିନ ତଳେ ଫିଲ୍ମ ରୁସ୍ତମରେ ଅକ୍ଷୟ କୁମାର ପିନ୍ଧିଥିବା ନୌସେନା ପୋଷାକର ନିଲାମ ଆରମ୍ଭ ହୋଇଥିବା ବେଳେ ଏବେ ପଦ୍ମାବତ୍ର ନିର୍ଦ୍ଦେଶକ ସଂଜୟ ଲୀଲା ଭଂସାଲୀ ଏହି ପଥ ଆପଣେଇଥିବା ଜଣାପଡ଼ିଛି । ଫିଲ୍ମର ସଫଳତା ପରେ ଫିଲ୍ମରେ ଦୀପିକା ଏବଂ ରଣବୀର ପିନ୍ଧିଥିବା ପୋଷାକକୁ ନିଲାମ କରିବେ ବୋଲି ଭଂସାଲୀ ମନସ୍ଥ କରିଛନ୍ତି । ନିଲାମ ପରେ ଯେଉଁ ଟଙ୍କା ମିଳିବ ସେ ଟଙ୍କାକୁ ସେ ଦାନ କରିବେ ବୋଲି କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଫିଲ୍ମ ରୁସ୍ତମରେ ଅକ୍ଷୟ କୁମାର ପିନ୍ଧିଥିବା ନୌସେନା ପୋଷାକର ନିଲାମ ହେଉଥିବା ଖବର ପାଇବା ପରେ ଏହାକୁ ଅନ୍ଲାଇନ୍ କିଣିବା ପାଇଁ ଭିଡ଼ ଆରମ୍ଭ ହୋଇଛି । ଏହି ନିଲାମୀ ଏପ୍ରିଲ୨୬ରୁ ଆରମ୍ଭ ହୋଇଥିବା ବେଳେ ମେ ୨୬ ପର୍ଯ୍ୟନ୍ତ ଏହା ଚାଲିବ ବୋଲି ଜଣାପଡ଼ିଛି । ଏଥିରୁ ଯେଉଁ ଟଙ୍କା ମିଳିବ ସେ ଟଙ୍କାକୁ ଅକ୍ଷୟ କୁମାର ପଶୁମାନଙ୍କ ପାଇଁ କାମ କରୁଥିବା ଏନ୍ଜିଓକୁ ଦାନ କରିବେ ବୋଲି କହିଛନ୍ତି । ତେବେ ଅକ୍ଷୟଙ୍କ ଏହି କାମରେ ଅନୁପ୍ରାଣୀତ ହୋଇ ଭଂସାଲୀ ମଧ୍ୟ ଏହି କାମ କରିବେ ବୋଲି ସୂଚନା ମିଳିଛି ।