ପ୍ରଥମ ଥର ପାଇଁ ନିଜ ମନର ମଣିଷ ଭିତରେ କେଉଁ ସବୁ ଗୁଣ ରହିବା ଦରକାର ସେ ବିଷୟରେ ଜଣାଇଲେ ଅଭିନେତ୍ରୀ ସୋନାକ୍ଷୀ ସିହ୍ନା
ମୁମ୍ବାଇ : ବଲିଉଡ୍ରେ ଏବେ ବିବାହର ଋତୁ ଆରମ୍ଭ ହୋଇଛି । ଅନେକ ଅଭିନେତ୍ରୀ ଚଳିତ ବର୍ଷ ବିବାହ କରିଥିବା ବେଳେ ବର୍ଷ ଶେଷରେ ଦୁଇଟି ବଡ଼ ବିବାହ ହେବାକୁ ଯାଉଛି । ନଭେମ୍ବର ଏବଂ ଡିିସେମ୍ବରରେ ଦୀପ୍-ବୀର ଏବଂ ପ୍ରିୟଙ୍କା-ନିକ୍ଙ୍କ ବିବାହ ହେବାକୁ ଥିବା ବେଳେ ଆସନ୍ତା ବର୍ଷ ମଲ୍ଲାଇକା-ଅର୍ଜୁନ ବିବାହ କରି ପାରନ୍ତି ବୋଲି ମଧ୍ୟ ଚର୍ଚ୍ଚା ଆରମ୍ଭ ହୋଇ ସାରିଲାଣି । ଏ ସବୁ ମଧ୍ୟରେ ଅଭିନେତ୍ରୀ ସୋନାକ୍ଷୀ ସିହ୍ନା ନିଜ ମନର ମଣିଷ ମଧ୍ୟରେ କେଉଁ ସବୁ ଗୁଣ ରହିବା ଦରକାର ସେ ବିଷୟରେ ଜଣାଇଥିବା ଖବର ମିଳିଛି ।
Sambad is now on WhatsApp
Join and get latest news updates delivered to you via WhatsApp
ବ୍ରାଇଡ୍ସ ଟୁଡ଼େକୁ ଏକ ସାକ୍ଷାତକାର ଦେଇ ସେ ନିଜ ଜୀବନସାଥୀ ମଧ୍ୟରେ କେଉଁ ସବୁ ଗୁଣ ଦେଖିବାକୁ ଚାହୁଁଛନ୍ତି ତାହା ଜଣାଇଥିଲେ । ମୋତେ ଏକ ଏମିତି ପୁଅ ଦରକାର, ଯିଏ ମୋତେ ସ୍ପେସ୍ ଦେବା ସହ ମୋତେ ବାନ୍ଧିକରି ରଖୁ ନ ଥିବ । ମୋ କାମକୁ ବୁଝିବା ସହ ସମ୍ମାନ ଦେଉଥିବ ବୋଲି ସେ କହିଥିଲେ । ସୋନାକ୍ଷୀଙ୍କ ଏଭଳି ମତ ଆସିବା ପରେ ସେ ମଧ୍ୟ ଖୁବ୍ ଶୀଘ୍ର ବିବାହ କରି ପାରନ୍ତି ବୋଲି ଲୋକେ ଚର୍ଚ୍ଚା କରିବା ଆରମ୍ଭ କରିଛନ୍ତି ।
ସୂଚନା ମୁତାବକ, ସୋନାକ୍ଷୀ ସଲମାନଙ୍କ ଭାଇ ସୋହେଲ ଖାନ୍ଙ୍କ ଶଳା ବଣ୍ଟି ସଚ୍ଚ୍ଦେବାଙ୍କୁ ଡ଼େଟ୍ କରୁଥିବା ବେଳେ ଚଳିତ ବର୍ଷ ଆରମ୍ଭରୁ ଦୁହିଁଙ୍କ ସଂପର୍କ ବିଚ୍ଛେଦ ହୋଇଥିଲା ।