ଦୀପକ କଲାଲଙ୍କୁ ମାଡ଼ ଘଟଣା: ପବ୍ଲିସିଟି ପାଇଁ ଟଙ୍କା ଦେଇ ନିଜକୁ ମାଡ଼ ମରାଇଥିଲେ ଦୀପକ, ଦେଖନ୍ତୁ ଭିଡିଓ
ମୁମ୍ବାଇ: କିଛି ଦିନ ତଳେ ଅଭିନେତ୍ରୀ ତଥା ଆଇଟମ୍ ଗର୍ଲ ଭାବେ ସାରା ଦେଶରେ ଜଣା ଶୁଣା ରାକ୍ଷୀ ସାଓ୍ଵନ୍ତ ବିବାହ କରିବେ ବୋଲି ଜଣା ପଡ଼ିଥିଲା । ଡିସେମ୍ବର ୩୧,୨୦୧୮ରେ ସେ ୟୁଟ୍ୟବର ଦୀପକ କଲାଲଙ୍କୁ ବିବାହ କରିବେ ବୋଲି ସମସ୍ତଙ୍କୁ ଜଣାଇଥିଲେ । କିନ୍ତୁ ଡିସେମ୍ବର ୩୧ରେ ସେଭଳି କିଛି ଘଟି ନଥିଲା । ଦୁହେଁ କେବଳ ଚର୍ଚ୍ଚାରେ ରହିବା ପାଇଁ ଏପରି ମିଥ୍ୟା ପ୍ରଚାର କରିଥିବା ସାମ୍ନାକୁ ଆସିଥିଲା । ଏବେ ସବୁ ବେଳେ ବିବାଦୀୟ ମନ୍ତବ୍ୟ ନେଇ ନିଜକୁ ଚର୍ଚ୍ଚାରେ ରଖୁଥିବା ଦୀପକ କଲାଲ ନିଜର ପବ୍ଲିସିଟି ପାଇଁ ନିଜକୁ ମାଡ଼ ମରାଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କିଛି ଦିନ ତଳେ ଦୀପକ ଏକ ଭିଡିଓ ସେୟାର କରି ମୋତେ କିଛି ଲୋକ ମାଡ଼ ମାରିଛନ୍ତି ବୋଲି କହିଥିଲେ । ଯାହା ପରେ ଲୋକମାନେ ତାଙ୍କୁ ସାନ୍ତ୍ୱନା ଦେବା ଆରମ୍ଭ କରିଥିଲେ । ଏବେ ଦୀପକ ନିଜେ ନିଜକୁ ଜାଣି ଶୁଣି ମାଡ଼ ମାରି ଭିଡିଓ କରିଥିବା ସାମ୍ନାକୁ ଆସିଛି । ନିଜ ୟୁଟ୍ୟୁବ୍ ଚ୍ୟାନେଲର ସବ୍ସ୍କ୍ରାଇବର ବଢ଼ାଇବା ସହ ନିଜକୁ ଚର୍ଚ୍ଚାରେ ରଖିବା ପାଇଁ ସେ ଏପରି କରିଥିବା ସାମ୍ନାକୁ ଆସିଛି । ଦୀପକଙ୍କ ଏହି ପବ୍ଲିସିଟି ଷ୍ଟଣ୍ଟ ବିଷୟରେ ଏକ ୟୁଟ୍ୟୁବ୍ ଚ୍ୟାନେଲ ଜରିଆରେ ଖୁଲାସା କରାଯାଇଛି । ଯାହା ଏବେ ଭାଇରାଲ ହୋଇଛି । ଦୀପକ ନିଜ ଇନ୍ଷ୍ଟାରେ ନିଜର ମାଡ଼ ମରା ଫଟୋକୁ ସେୟାର କରି ମୋତେ ମାଡ଼ ମରାଯାଉଥିବା ଭିଡିଓକୁ ମୋର ଯୁଟ୍ୟୁବ୍ ଚ୍ୟାନେଲରେ ଦେଖନ୍ତୁ ବୋଲି ଲେଖିଛନ୍ତି । ଏହା ସହ ତାଙ୍କୁ ମାଡ଼ ମାରୁଥିବା ଯୁବକଜଣଙ୍କ ଜଣେ ପ୍ରଯୋଜକ ବୋଲି ଜଣା ପଡ଼ିଛି । ଯିଏ ର୍ୟାପର ବାଦ୍ଶାହାଙ୍କ ସହ ମଧ୍ୟ କାମ କରି ସାରିଛନ୍ତି । ଏତେ ସବୁ ସଙ୍କେତରୁ ଦୀପକ ପବ୍ଲିସିଟି ଷ୍ଟଣ୍ଟ କରିଥିବା ପ୍ରମାଣ ହୋଇଛି ।