ବିବାହର ୪୬ବର୍ଷ ପରେ ମଧ୍ୟ ଏହି କଥାକୁ ନେଇ ଝଗଡ଼ା କରୁଛନ୍ତି ଅମିତାଭ-ଜୟା
ମୁମ୍ବାଇ : ବଲିଉଡ୍ର ସବୁଠାରୁ ଲୋକପ୍ରିୟ ଯୋଡ଼ି ମଧ୍ୟରେ ରହିଛନ୍ତି ବିଗ୍ ବି ଅମିତାଭ ବଚ୍ଚନ ଓ ଜୟା ବଚ୍ଚନ । ଦୁହିଁଙ୍କ ଜୀବନରେ ଅନେକ ଝଡ଼ ଆସିବା ସହ ଅନେକ ତାଙ୍କ ବିବାହକୁ ଭାଙ୍ଗିବାକୁ ଚେଷ୍ଟା କରିଛନ୍ତି । କିନ୍ତୁ ସବୁ ପରେ ବି ଆଜି ସେମାନେ ୪୬ବର୍ଷ ସାଥୀରେ ବିତାଇ ସାରିଲେଣି । କିନ୍ତୁ ଏହି ୪୬ବର୍ଷ ମଧ୍ୟରେ ଏକ ସାଧାରଣ କଥାକୁ ନେଇ ଦୁହିଁଙ୍କ ମଧ୍ୟରେ ସବୁବେଳେ ଝଗଡ଼ା ହୁଏ, ଯାହା ବିଷୟରେ କୌନ୍ ବନେଗା କରୋଡପତିରେ ଜଣାଇଛନ୍ତି ବିଗ୍ ବି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କୌନ୍ ବନେଗା କରୋଡପତିରେ ଜଣେ ପ୍ରତିଯୋଗୀଙ୍କୁ କେତେ ବର୍ଷ ହେଲାଣି ବିବାହ କରିଛ ବୋଲି ପଚାରିଥିଲେ ବିଗ୍ ବି । କିନ୍ତୁ ପ୍ରତିଯୋଗୀଜଣଙ୍କ ଠିକ୍ ଭାବରେ କହି ପାରି ନଥିଲେ । ଏହା ଜାଣି ବିବାହର ତାରିଖ ସବୁବେଳେ ମନେ ରଖିବା ଦରକାର ବୋଲି ବିଗ୍ ବି କହିଥିଲେ । ପରେ ପ୍ରତିଯୋଗୀଜଣଙ୍କ ବିଗ୍ ବିଙ୍କୁ ପ୍ରଶ୍ନ କରିଥିଲେ, ଜୟା ମ୍ୟାଡ଼ାମ୍ ଆପଣଙ୍କୁ ବିବାହ ତାରିଖ ମନେ ପକାନ୍ତି କି? ଏହାର ଉତ୍ତର ରଖି ଏହି କଥାକୁ ନେଇ ଆମ ଦୁହିଁଙ୍କ ମଧ୍ୟରେ ଯୁଦ୍ଧ ହୋଇ ଯାଇଥାଏ । ସେଥି ପାଇଁ ମୁଁ ସବୁବେଳେ ବିବାହ ତାରିଖ ମନେ ରଖିବା ପାଇଁ ଚେଷ୍ଟା କରିଥାଏ ବୋଲି କହିଥିଲେ ବିଗ୍ ବି ।