ଫଟୋ ସେୟାର କରି ନିଜ ଦୁଃଖ ବଖାଣିଲେ ନୀତୁ ସିଂହ, ବିବାହର ୩୮ବର୍ଷ ପରେ ସ୍ୱାମୀ-ସ୍ତ୍ରୀର ସଂପର୍କ ଏଭଳି ହୋଇଯାଏ ବୋଲି କହିଲେ
ମୁମ୍ବାଇ : ଅଭିନେତ୍ରୀ ନୀତୁ ସିଂହ ଏବଂ ଅଭିନେତା ଋଷି କପୁର ବଲିଉଡ୍ର ଏଭରଗ୍ରିନ୍ ଯୋଡ଼ିଙ୍କ ମଧ୍ୟରୁ ଗୋଟିଏ । ଜୀବନର ସବୁ ଦୁଃଖସୁଖରେ ଦୁହେଁ ପରସ୍ପରର ସାଥୀରେ ଥିବା ବେଳେ ଏବେ ଦୁହେଁ ଆମେରିକାରେ ଥିବା ଜଣାପଡ଼ିଛି । ଋଷି କପୁରଙ୍କର ସ୍ୱାସ୍ଥ୍ୟାବସ୍ଥା ହଠାତ୍ ବିଗିଡ଼ିବା ପରେ ସେ ଆମେରିକାରେ ରହି ନିଜର ଚିକତ୍ସା କରାଉଥିବା ବେଳେ ନୀତୁ ସିଂହ ତାଙ୍କ ସହ ରହୁଛନ୍ତି । ତେବେ ଦୁହିଁଙ୍କ ଯୋଡ଼ିକୁ ଏଭରଗ୍ରିନ୍ ଯୋଡ଼ି କୁହାଯାଉଥିବା ବେଳେ ନୀତୁ ସିଂହ ବିବାହର କିଛି ବର୍ଷ ବିତିଯିବା ପରେ ଅବସ୍ଥା କେମିତି ହୋଇଥାଏ,ତାହା ଜଣାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଋଷିଙ୍କ ସହ ଏକ ଫଟୋ ସେୟାର କରି ସେ ଲେଖିଛନ୍ତି, ‘ଲଞ୍ଚ ଡେଟ୍, ବିବାହର ୩୮ବର୍ଷ ପରେ ଏହା ହିଁ ହୁଏ । ସ୍ୱାମୀ ଫୋନ ଦେଖୁଛନ୍ତି ଏବଂ ମୁଁ ସେଲ୍ଫି ନେଉଛି। ସେୟାର କରାଯାଇଥିବା ଫଟୋରେ ଋଷି କପୁର ନିଜର ଫୋନରେ ବ୍ୟସ୍ତ ଥିବା ଦେଖାଯାଇଛି ।
ସୂଚନା ମୁତାବକ, ସେପ୍ଟମ୍ବର ୨୯ରେ ଋଷି କପୁର ଆମେରିକା ଯାଇଥିଲେ । ସେତେବେଳେ ସୋସିଆଲ ମିଡିଆରେ ସେ ସମସ୍ତଙ୍କୁ ଚିକିତ୍ସା ପାଇଁ ଆମେରିକା ଯାଉଛି ବୋଲି ଲେଖିଥିଲେ । ଯାହା ପରେ ଋଷି କପୁରଙ୍କ ସ୍ୱାସ୍ଥ୍ୟାବସ୍ଥା ଖରାପ ଥିବା କଥା ସାମ୍ନାକୁ ଆସିଥିଲା ।