ପଦ୍ମାବତୀ ବିବାଦକୁ ଭୁଲି ଶ୍ରୀଲଙ୍କାରେ ନୂଆବର୍ଷ ଛୁଟି ମନାଇବେ ଦୀପିକା-ରଣବୀର୍ !
ମୁମ୍ବାଇ: ଫିଲ୍ମ ‘ପଦ୍ମାବତୀ’କୁ ନେଇ ଚାଲୁଥିବା ବିବାଦ ଦିନକୁ ଦିନ ଘନାଉଥିଲାବେଳେ ଏବେ ଏହାର ରିଲିଜ୍ ଡେଟ୍କୁ ମଧ୍ୟ ସ୍ଥଗିତ କରାଯାଇଛି। ତେବେ ଏହାର ବିବାଦରେ ଆଦୌ ବିଚଳିତ ହୋଇନାହାନ୍ତି ବଲିଉଡ୍ର କ୍ୟୁଟ୍ ଯୋଡ଼ି ଅଭିନେତା ରଣବୀର୍ ସିଂହ ଓ ଅଭିନେତ୍ରୀ ଦୀପିକା ପାଦୁକନ୍। ଏହି ଯୋଡ଼ି ଏବେ ବିବାଦକୁ ଭୁଲି ସେମାନଙ୍କର ବ୍ୟକ୍ତିଗତ ଜୀବନରେ ଖୁସି ମନାଉଛନ୍ତି। ଯଦି ମିଳୁଥିବା ଖବରକୁ ବିଶ୍ୱାସ କରାଯାଏ,ତେବେ ଏହି ଲଭ୍ବାର୍ଡ଼ସ୍ ନୂଆବର୍ଷ ଛୁଟି ମନାଇବାକୁ ଶ୍ରୀଲଙ୍କା ଗସ୍ତରେ ଯିବାର ଯୋଜନା କରୁଛନ୍ତି।
Sambad is now on WhatsApp
Join and get latest news updates delivered to you via WhatsApp
ତେବେ ଏ ନେଇ ମିଡ଼୍-ଡ଼େରେ ପ୍ରକାଶ ପାଇଛି ଯେ,ଦୀପିକା-ରଣବୀର୍ ସାଂଗ ହୋଇ ଶ୍ରୀଲଙ୍କାରେ ନୂଆବର୍ଷକୁ ସ୍ୱାଗତ କରିବାର ଯୋଜନା କରିଛନ୍ତି। ଏହା ମଧ୍ୟ ଶୁଣିବାକୁ ମିଳୁଛି ଯେ, ଦୀପିକା କୁଆଡ଼େ ନିଜ ପରିବାର ସହିତ ନୂତନ ବର୍ଷକୁ ସ୍ୱାଗତ କରିବେ!
ତେବେ ବିଗତ କିଛି ଦିନ ତଳେ ଦୀପିକା-ରଣବୀର୍ଙ୍କ ବ୍ରେକ୍ଅପ୍ ଖବରକୁ ନେଇ ଚର୍ଚ୍ଚା ଜୋର୍ ଧରିଥିଲା ବେଳେ ନିକଟରେ ଏହି ଯୋଡ଼ିଙ୍କୁ ମୁମ୍ବାଇସ୍ଥିତ ଏକ ଫାଇଭ୍ ଷ୍ଟାର୍ ହୋଟେଲ୍ରେ ଏକାଠି ଡ଼ିନର୍ ପାର୍ଟି କରୁଥିବାର ଦେଖିବାକୁ ମିଳିଥିଲା। ତେବେ ଏ ଯାଏଁ ଦୀପିକା-ରଣବୀର୍ କେବେ ମୁହଁ ଖୋଲୁ ନ ଥିଲେ ହେଁ ଦୁହେଁ ଦୁହିଁଙ୍କ ସହିତ ବହୁତ ସମୟ ବିତାଉଥିବାର ଦେଖାଯାଉଛି। ଯାହାକୁ ଦେଖି ଯେ କେହି ବି ଅନୁମାନ ଲଗାଇପାରିବେ କି ଏମାନଙ୍କ ମଧ୍ୟରେ ପ୍ରେମସଂପର୍କ ରହିଛି।