ଦଶକା ଦମ୍ : ପ୍ରତିଯୋଗୀଙ୍କ ପାଇଁ ଶିଳ୍ପା ସେଟ୍ଟୀଙ୍କୁ ଫୋନ କଲେ ସଲମାନ,ଏହା ଥିଲା କାରଣ
ମୁମ୍ବାଇ : ଏବେ ସଲମାନ ଫିଲ୍ମଠାରୁ କିଛି ସମୟ ନିଜକୁ ଦୂରରେ ରଖି ସୋନି ଟିଭିରେ ପ୍ରସାରିତ ହେଉଥିବା ଗେମ୍ ସୋ’ ଦଶ୍ କା ଦମ୍ରେ ବ୍ୟସ୍ତ ଅଛନ୍ତି । ଶେଷଥର ପାଇଁ ସଲମାନଙ୍କୁ ଫିଲ୍ମ ‘ରେସ୍-୩’ରେ ଦର୍ଶକେ ଦେଖିବାକୁ ପାଇଥିବା ବେଳେ ଫିଲ୍ମଟି ବକ୍ସ ଅଫିସରେ ଏତେ ସଫଳତା ପାଇ ପାରି ନଥିଲା । ଆଗକୁ ସଲମାନଙ୍କର ଫିଲ୍ମ ‘ଭାରତ’ ରିଲିଜ୍ ହେବାକୁ ଥିବା ବେଳେ ଏବେ ସେ ନିଜ ରିୟାଲିଟି ଗେମ୍ ସୋ’କୁ ନେଇ ଚର୍ଚ୍ଚାରେ ରହିଛନ୍ତି । ସୋନି ଟିଭିରେ ପ୍ରସାରିତ ହେଉଥିବା ଗେମ୍ ସୋ’ ଦଶ୍ କା ଦମରେ ସଲାମାନ ସୋ’ର ହୋଷ୍ଟ ଭାବରେ ଦାୟିତ୍ୱ ତୁଲାଉଥିବା ବେଳେ ସମସ୍ତଙ୍କୁ ସଲମାନଙ୍କ ହୋଷ୍ଟିଙ୍ଗ ଖୁବ୍ ପସନ୍ଦ ଆସୁଛି ।
Sambad is now on WhatsApp
Join and get latest news updates delivered to you via WhatsApp
ତେବେ ଏକ ସୋ’ର ଏକ ଅଧ୍ୟାୟରେ ସଲମାନ ନିଜ ପ୍ରତିଯୋଗୀଙ୍କ ପାଇଁ ଶିଳ୍ପା ସେଟ୍ଟୀଙ୍କୁ ଫୋନ ଲଗାଇଥିଲେ ବୋଲି ଜଣାପଡ଼ିଛି । ପ୍ରତିଯୋଗୀ ପାୟରଲ ରାଠି ସୋ’କୁ ଆସିଥିବା ବେଳେ ତାଙ୍କ ସ୍ୱାମୀ ଶିଳ୍ପା ସେଟ୍ଟୀଙ୍କର ବହୁତ ବଡ଼ ପ୍ରଶଂସକ ବୋଲି କହିଥିଲେ । ଏହା ଶୁଣିବା ପରେ ସଲମାନ ତୁରନ୍ତ ଶିଳ୍ପାଙ୍କୁ ଫୋନ ଲଗାଇଥିଲେ । ଶିଳ୍ପା ଫୋନ ଉଠାଇବା ପରେ ସଲମାନ ପୂରା ଘଟଣା ବିଷୟରେ ଜଣାଇବା ପରେ ଶିଳ୍ପା ପାୟରଲଙ୍କ ସହ କଥା ହୋଇ ତାଙ୍କ ସୁସ୍ଥ ରହିବା ପାଇଁ ଟିପ୍ସ ଦେଇଥିଲେ ।