ମୁମ୍ବାଇ: ପ୍ରଥମ ଥର ପାଇଁ ଦେଖିବାକୁ ମିଳିଛି ସଫ୍ ଅଲ୍ଲୀ ଖାନ୍ଙ୍କ ଝିଅ ସାରା ଅଲ୍ଲୀ ଖାନ୍ଙ୍କ ଡ୍ୟାନ୍ସର ଜଲ୍ଓ୍ଵା । ଡ଼ିଜାଇନର ସନ୍ଦୀପ୍ ଖୋସ୍ଲାଙ୍କ ଭାଣିଜୀଙ୍କ ବିବାହ ଉତ୍ସବରେ ଯୋଗ ଦେଇ ସେ ତାଙ୍କର ଡ୍ୟାନ୍ସ ଜଲଓ୍ଵା ଦେଖାଇଥିଲେ ବୋଲି ଜଣା ପଡ଼ିଛି । ଏହି ବାହାଘରରେ ନିର୍ଦ୍ଦେଶକ କରଣ ଜୋହର ଏବଂ ଶ୍ୱେତା ବଚ୍ଚନଙ୍କୁ ମଧ୍ୟ ନାଚିବାର ଦେଖିବାକୁ ମିଳିଥିଲା । କିନ୍ତୁ ସାରାଙ୍କ ନାଚ ଦେଖିବା ପରେ ସମସ୍ତଙ୍କ ରଙ୍ଗ ସେଠାରେ ଫିକା ପଡ଼ି ଯାଇଥିଲା । ଚିରସବୁଜ ହୋଇ ରହିଥିବା ଗୀତ ‘ସାତ୍ ସମନ୍ଦର ପାର’୍ ଗୀତରେ ନିଜ ଠୁମ୍କା ଲଗାଇ ସେ ଉପସ୍ଥିତ ଥିବା ଲୋକଙ୍କୁ ମତୁଆଲା କରିଥିଲେ । ଯାହାର ଏକ ଭିଡ଼ିଓ ମଧ୍ୟ ସୋସିଆଲ ସାଇଟ୍ରେ ଏବେ ଭାଇରାଲ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଭିଡ଼ିଓ ଦେଖିବା ପରେ ଆଗକୁ ରିଲିଜ ହେବାକୁ ଥିବା ସାରାଙ୍କ ଫିଲ୍ମ ବକ୍ସ ଅଫିସରେ ଧୁମ୍ ମଚାଇବ ବୋଲି ସମସ୍ତେ କହିବା ଆରମ୍ଭ କରି ଦେଇଛନ୍ତି । ଫିଲ୍ମକୁ ନେଇ ଅନେକ ଚର୍ଚ୍ଚା ହେଉଥିବା ବେଳେ ଏବେ ସେ କରିଥିବା ନାଚକୁ ନେଇ ସୋସିଆଲ ମିଡ଼ିଆରେ ଚର୍ଚ୍ଚା ଆରମ୍ଭ ହୋଇଛି । ଅନ୍ୟ ପକ୍ଷରେ ଏହି ବିବାହ ଭୋଜିରେ ସାରାଙ୍କ ବ୍ୟତୀତ ଅନେକ ବଡ଼ ବଡ଼ କଳାକାର ଯୋଗ ଦେଇଥିଲେ । ସାରାଙ୍କ ସମେତ କରଣ ଜୋହର ଏବଂ ଶ୍ୱେତା ବଚ୍ଚନଙ୍କ ଡ଼୍ୟାନ୍ସର ଭିଡ଼ିଓ ମଧ୍ୟ ସୋସିଆଲ ସାଇଟ୍ରେ ଭାଇରାଲ ହୋଇଛି ।