ନିଜ କ୍ୟାରିୟର ଗ୍ରାଫରୁ ଏହି ଫିଲ୍ମକୁ ସବୁଦିନ ପାଇଁ ହଟାଇବାକୁ ଚାହୁଁଛନ୍ତି ଶାହୀଦ କପୁର
ମୁମ୍ବାଇ : କିଛି ଦିନ ପୂର୍ବରୁ ରିଲିଜ୍ ହୋଇଛି ଫିଲ୍ମ ‘କବୀର ସିଂହ’ । ଏହି ଫିଲ୍ମରେ ମୁଖ୍ୟ ଭୂମିକାରେ ନଜର ଆସୁଛନ୍ତି ଅଭିନେତା ଶାହିଦ କପୁର ଏବଂ ଅଭିନେତ୍ରୀ କିଆରା ଆଡ୍ଭାଣୀ । ଫିଲ୍ମଟି ତେଲୁଗୁ ଫିଲ୍ମ ଅର୍ଜୁନ ରେଡ୍ଡୀର ରିମେକ ହୋଇଥିବା ବେଳେ ଫିଲ୍ମକୁ ଦର୍ଶକଙ୍କ ଢ଼େର ଭଲ ପାଇବା ମିଳୁଛି । କିଛି ଦିନ ମଧ୍ୟରେ ଶାହିଦ୍ଙ୍କ ଫିଲ୍ମ ଦର୍ଶକଙ୍କ ମନ ଜିଣିବା ସହ ବକ୍ସ ଅଫିସରେ ଆଗେଇ ଚାଲିଛି । ଫିଲ୍ମରେ ଥିବା ନିଜ ଚରିତ୍ରକୁ ନେଇ ପଚରାଯିବା ପରେ ଶାହିଦ୍ କହିଥିଲେ, ମୋ କ୍ୟାରିୟରର ସବୁଠାରୁ କଷ୍ଟ ଚରିତ୍ର ମୁଁ କବୀର ସିଂହରେ କରିଛି । ଚରିତ୍ରରେ ପଶିବା ପାଇଁ ମୋତେ ମୋ ମଧ୍ୟରେ ଅନେକ ପରିବର୍ତ୍ତନ ଆଣିବାକୁ ପଡ଼ିଥିଲା ଏବଂ ଫିଟ୍ନେସ ଉପରେ ମଧ୍ୟ ଧ୍ୟାନ ଦେବାକୁ ପଡ଼ିଥିଲା ।
Sambad is now on WhatsApp
Join and get latest news updates delivered to you via WhatsApp
ନିଜ କ୍ୟାରିୟର ଗ୍ରାଫରୁ ଏଭଳି କେଉଁ ଫିଲ୍ମ ରହିଛି, ଯାହାକୁ ହଟାଇବାକୁ ଚାହିଁବ ବୋଲି ପଚରାଯିବା ପରେ, ମୁଁ ମାନୁଛି ମୁଁ ବହୁତ ବେକାର ଫିଲ୍ମ କରିଛି । କିନ୍ତୁ ଯଦି କୌଣସି ଗୋଟେ ଫିଲ୍ମ ମୁଁ ହଟାଇବାକୁ ଚାହେଁ, ତେବେ ‘ଶାନଦାର’ ଫିଲ୍ମକୁ ମୁଁ ହଟାଇବାକୁ ଚାହିଁବି ବୋଲି କହିଥିଲେ ଶାହିଦ ।