ସଲମାନ ଖାନ୍ଙ୍କ ସହ ପ୍ରେମ ସଂପର୍କ ନେଇ ଅନେକ ଚର୍ଚ୍ଚା ହୋଇ ସାରିବା ପରେ ଏବେ ନିଜର ପ୍ରତିକ୍ରିୟା ରଖିଲେ ଶିଳ୍ପା ସେଟ୍ଟୀ,କହିଲେ; ସେ ପ୍ରାୟ ମୋ ଘରକୁ ଆସିବା ସହ ବେଳେ ବେଳେ ରହି ଯାଆନ୍ତି,କିନ୍ତୁ……
ମୁମ୍ବାଇ : ବଲିଉଡ୍ରେ କାମ କରୁଥିବା କଳାକାରଙ୍କୁ ନେଇ ସବୁ ବେଳେ ଭିନ୍ନ ଭିନ୍ନ ପ୍ରକାରର ଚର୍ଚ୍ଚା ହୋଇଥାଏ । ଦୁଇ ନୂଆ କଳାକାର ଏକା ସାଙ୍ଗରେ ଫିଲ୍ମ କରିବା ପରେ ଦୁହିଁଙ୍କ ମଧ୍ୟରେ ପ୍ରେମ ସଂପର୍କ ଥିବା ନେଇ ଚର୍ଚ୍ଚା ଆରମ୍ଭ ହୋଇ ଯାଇଥାଏ । ବେଳେ ବେଳେ ଚର୍ଚ୍ଚା ହେଉଥିବା ଖବର ସତ ହୋଇଥିବା ବେଳେ ବେଳେ ବେଳେ ତାହା କେବଳ ଏକ ଉଡ଼ା ଖବର ବୋଲି ପ୍ରମାଣ ହୋଇଥାଏ । ସେହି ଭଳି ଭାବରେ ଅଭିନେତା ସଲମାନ ଖାନ୍ ଏବଂ ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ମଧ୍ୟରେ ପ୍ରେମ ସଂପର୍କ ଥିବା ନେଇ ଅନେକ ଚର୍ଚ୍ଚା ହୋଇଥିଲା ।
Sambad is now on WhatsApp
Join and get latest news updates delivered to you via WhatsApp
ଦୁହେଁ ସାଥୀରେ ଗର୍ବ,ଦସ୍,ଶାଦି କର୍କେ ଫସ୍ ଗୟା ଏବଂ ଫିର୍ ମିଲେଙ୍ଗେ ଭଳି ଫିଲ୍ମରେ କାମ କରିଥିବା ବେଳେ ଫିଲ୍ମ ରିଲିଜ୍ ହେବା ପରେ ଦୁହିଁଙ୍କ ମଧ୍ୟରେ ପ୍ରେମ ସଂପର୍କ ଥିବା ନେଇ ଚର୍ଚ୍ଚା ଆରମ୍ଭ ହୋଇଥିଲା । କିନ୍ତୁ ଦୁହେଁ କେବେ ହେଲେ ଏହାକୁ ସର୍ବ ସାଧାରଣରେ ଗ୍ରହଣ କରି ନଥିଲେ । ସେ ସମୟରେ ଶିଳ୍ପା ସଲମାନଙ୍କ ସଂପର୍କ କିପରି ବୋଲି କହି ନଥିବା ବେଳେ ଏବେ ନିଜର ପ୍ରତିକ୍ରିୟା ରଖିଛନ୍ତି ।
“ସଲମାନଙ୍କ ସହ ମୋର ସେଭଳି କିଛି ସଂପର୍କ ନଥିଲା । ଆମେ ଦୁହେଁ କେବେ ସେଭଳି ଡେଟ୍ରେ ବି ଯାଇ ନାହୁଁ । କିନ୍ତୁ ସେ ପ୍ରାୟ ଆମ ଘରକୁ ଆସି ମୋ ବାପାଙ୍କ ସହ ମଦ ପିଇଥାନ୍ତି ଏବଂ ବେଳେ ବେଳେ ସେ ଘରେ ଶୋଇଯାନ୍ତି । ମୋ ଅପେକ୍ଷା ମୋ ବାପାଙ୍କ ସହ ତାଙ୍କର ଭଲ ସଂପର୍କ ଥିଲା । ସେଥି ପାଇଁ ମୋ ବାପାଙ୍କ ମୃତ୍ୟୁ ପରେ ସେ ଆମ ଘରକୁ ଆସି ସିଧା ଘରେ ଥିବା ବାର୍କୁ ଯାଇଥିଲେ । ସେଠାକୁ ଯାଇ ସେ ଜୋରରେ କାନ୍ଦିଥିଲେ” ବୋଲି ଶିଳ୍ପା କହିଛନ୍ତି ।