ଫେସ୍ବୁକ୍ ପାଇଁ ୩ମାସ ପରେ ନିଖୋଜ ଥିବା ପୁଅ ଘରକୁ ଫେରିଲା, ଜାଣନ୍ତୁ ପୂରା ଘଟଣା
ଇନ୍ଦୋର : ଫେସ୍ବୁକ୍ ଜରିଆରେ ନାଗପୁରର ଏକ ପରିବାର ୩ ମାସ ପରେ ନିଜ ପୁଅ ପାଖରେ ପହଞ୍ଚି ପାରିଛନ୍ତି । ପୁଅକୁ ପାଇବାର ଆଶା ଛାଡ଼ି ଦେଇଥିବା ପରିବାର ଲୋକଙ୍କ ପାଇଁ ଏକ ଫେସ୍ବୁକ୍ ପୋଷ୍ଟ ଆଶାର ଆଲୋକ ସାଜି ଆସିଥିଲା । ଯାହା ପରେ ପରିବାର ଲୋକେ ୩ମାସ ପରେ ଇନ୍ଦୋର ଯାଇ ନିଜ ପୁଅକୁ ଘରକୁ ଫେରାଇ ଆଣିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୩ମାସ ତଳେ ଲସୁଡିଆର ମଙ୍ଗଲ ନଗରରେ ଥିବା ଏକ ପାଣି ଟାଙ୍କି ପାଖରେ ଆୟୁଷଙ୍କୁ ଆହତ ଅବସ୍ଥାରେ ଲୋକ ଦେଖିବା ପରେ ଡ଼ାକ୍ତରଖାନାରେ ଭର୍ତ୍ତି କରିଥିଲେ । ପ୍ରଥମେ ଆୟୁଷଙ୍କ ପରିଚୟ ନ ମିଳିବାରୁ ଡ଼ାକ୍ତର ସମାଜସେବୀ ଅମରଜିତ୍ ସିଂହଙ୍କୁ ଯୋଗାଯୋଗ କରିଥିଲେ । ଯାହା ପରେ ଅମରଜିତ୍ ଆୟୁଷଙ୍କ ଚିକିତ୍ସିତ ହେବା ସମୟର ଫଟୋ ଏବଂ ଭିଡିଓ ଫେସ୍ବୁକ୍ରେ ପୋଷ୍ଟ କରିଥିଲେ । ଡିସେମ୍ବରରେ ଏହି ପୋଷ୍ଟ କରାଯାଇଥିବା ବେଳେ ଅମରଜିତ୍ଙ୍କୁ କୌଣସି ସୂଚନା ମିଳି ପାରି ନ ଥିଲା ।
ଦୁଇ ମାସ ପରେ ଆୟୁଷଙ୍କ ସ୍ୱାସ୍ଥ୍ୟବସ୍ଥାରେ ସୁଧାର ଆସିବା ପରେ ସେ କେବଳ ନିଜର ନାଁ ଏବଂ ସେ ନାଗପୁରର ବୋଲି ଡ଼ାକ୍ତରଙ୍କୁ ଜଣାଇଥିଲେ । ଘରର ଠିକଣା ତାଙ୍କର ମନେ ପଡ଼ି ନ ଥିଲା । ଅମରଜିତ୍ଙ୍କୁ ଆୟୁଷଙ୍କ ନାଁ ଏବଂ ସେ ନାଗପୁରର ବୋଲି ଜଣାପଡ଼ିବା ପରେ ସେ ଦୁଇ ମାସ ତଳେ କରିଥିବା ପୋଷ୍ଟକୁ ଆଉ ଥରେ ସେୟାର କରି ମିଳିଥିବା ସୂଚନାକୁ ଲେଖିବା ସହ ନିଜ ନମ୍ବର ଦେଇଥିଲେ । ପୋଷ୍ଟକୁ ସେୟାର କରିବାର ମାସେ ଭିତରେ ଅମରଜିତ୍ଙ୍କୁ ଏକ ଫୋନ କଲ୍ ଆସିଥିଲା, ଯାହା ଆୟୁଷଙ୍କ ବାପାଙ୍କର ଥିଲା । ପରିବାର ଲୋକେ ଅମରଜିତ୍ଙ୍କଠାରୁ ସମସ୍ତ ସୂଚନା ନେଇ ଡ଼ାକ୍ତରଖାନାରେ ପହଞ୍ଚିବା ସହ ଆୟୁଷକୁ ଘରକୁ ନେଇଥିବା ଜଣାପଡ଼ିଛି ।