୧୭ ବର୍ଷୀୟ ଏହି ଯୁବକଙ୍କ କମ୍ପାନୀରେ ନିବେଶ କଲେ ରତନ ଟାଟା
ନୂଆଦିଲ୍ଲୀ: ଜଣାଶୁଣା ଶିଳ୍ପପତି ରତନ ଟାଟା ଗୁରୁବାର ଦୁଇ ବର୍ଷ ପୁରୁଣା ଷ୍ଟାର୍ଟଅପ୍ ‘ଜେନେରିକ୍ ଆଧାର’ରେ ନିବେଶ କରିଛନ୍ତି | ଏହି ଷ୍ଟାର୍ଟଅପ୍ କମ୍ପାନୀ ‘ଜେନେରିକ୍ ଆଧାର’ର ପ୍ରତିଷ୍ଠାତା ହେଉଛନ୍ତି ୧୭ ବର୍ଷୀୟ ଅର୍ଜୁନ ଦେଶପାଣ୍ଡେ | ତେବେ ରତନ ଟାଟା ଏଥିରେ କେତେ ଟଙ୍କା ବିନିଯୋଗ କରିଛନ୍ତି ତାହା ଜଣା ପଡିନାହିଁ।’ଜେନେରିକ୍ ଆଧାର’ର ମୁଖ୍ୟ କାର୍ଯ୍ୟ ହେଉଛି ଏହି କମ୍ପାନୀ ମେଡ଼ିସିନ ନିର୍ମାତାମାନଙ୍କଠାରୁ ଔଷଧ ଆଣି ଖୁଚୁରା ବ୍ୟବସାୟୀମାନଙ୍କ ନିକଟରେ ବିକ୍ରି କରନ୍ତି | ସମ୍ପ୍ରତି ଏହି କମ୍ପାନୀର ବାର୍ଷିକ ଆୟ ପ୍ରାୟ ୬ କୋଟି ଟଙ୍କା ଥିବା ବେଳେ ଏବଂ ଆସନ୍ତା ତିନି ବର୍ଷ ମଧ୍ୟରେ ଏହା ୧୫୦-୨୦୦ କୋଟିରେ ପହଞ୍ଚାଇବାକୁ ଅର୍ଜୁନ ଲକ୍ଷ୍ୟ ରଖିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଅର୍ଜୁନଙ୍କ ଏହି କମ୍ପାନୀରେ ଫାର୍ମାସିଷ୍ଟ, ଆଇଟି ଇଞ୍ଜିନିୟର୍ ଏବଂ ମାର୍କେଟିଂ ପ୍ରଫେସନାଲଙ୍କ ସମେତ ପ୍ରାୟ ୫୫ ଜଣ ବ୍ୟକ୍ତି ଚାକିରି କରନ୍ତି । ସୂଚନାଯୋଗ୍ୟ ଯେ ଡିସେମ୍ବର ୨୦୧୨ରେ ଅବସର ନେବା ପରଠାରୁ ରତନ ଟାଟା ୧୦ରୁ ଅଧିକ ଷ୍ଟାର୍ଟଅପରେ ପୁଞ୍ଜି ବିନିଯୋଗ କରିଛନ୍ତି। ତାଙ୍କର ସମସ୍ତ ବିନିଯୋଗ ତାଙ୍କ ନିବେଶ କମ୍ପାନୀ ଆରଏନଟି ଆସୋସିଏଟ୍ସ ମାଧ୍ୟମରେ କରାଯାଇଛି |
ଆରଏନଟି ଆସୋସିଏଟ୍ସ ଓଲା, ପେଟିଏମ୍, ସ୍ନାପଡ଼ିଲ , କ୍ୟୁରେଫିଟ୍, ଅର୍ବନ ଲେଡର୍ ଏବଂ ଅବନ୍ତୀ ଫାଇନାନ୍ସରେ ନିବେଶ କରିଛି । ଅର୍ଜୁନ ଦେଶପାଣ୍ଡେ ଏକ ଫ୍ରାଞ୍ଚାଇଜ୍ ଆଧାରିତ ମଡେଲରେ ୧୦୦୦ ଫାର୍ମାସି ସହ ବୁଝାମଣାପତ୍ର ସ୍ଵାକ୍ଷର କରି ଗୁଜୁରାଟ, ତାମିଲନାଡୁ, ଆନ୍ଧ୍ର, ଦିଲ୍ଲୀ, ଗୋଆ ଏବଂ ରାଜସ୍ଥାନରେ ଏହାର ପ୍ରସାର ପାଇଁ ଲକ୍ଷ୍ୟ ରଖିଛନ୍ତି |