ନୂଆବର୍ଷ ପାଇଁ ବୈଜ୍ଞାନିକଙ୍କ ସତର୍କବାଣୀ: ଆସୁଛି ଭୟଙ୍କର ସୌରଝଡ଼
ଲଣ୍ଡନ: ନୂଆବର୍ଷ ୨୦୧୮କୁ ସ୍ୱାଗତ ଜଣାଇବାକୁ ସାରା ବିଶ୍ୱ ଉତ୍ସବମୁଖର ହୋଇଥିବାବେଳେ ଏକ ସତର୍କବାଣୀ ଶୁଣାଇଛନ୍ତି ବୈଜ୍ଞାନିକମାନେ । ସୂର୍ଯ୍ୟପୃଷ୍ଠରେ ହୋଇଥିବା ଏକ ବିଶାଳ ବିସ୍ଫୋରଣ ନୂଆବର୍ଷ ଦିନ ଅର୍ଥାତ ଜାନୁୟାରୀ ୧ରେ ପୃଥିବୀର ଭୂ-ଚୁମ୍ବକୀୟ କ୍ଷେତ୍ରକୁ ପ୍ରଭାବିତ କରିବ । ଏହାଫଳରେ ଟେଲିକମ ସେବା, ସାଟେଲାଇଟ ଓ ଇଣ୍ଟରନେଟ୍ ପ୍ରଭୃତି ପ୍ରଭାବିତ ହେବାର ସମ୍ଭାବନା ରହିଛି । ଏପରିକି ଏହାର ପ୍ରଭାବରେ ବିଦ୍ୟୁତଶକ୍ତି କେନ୍ଦ୍ର ଓ ପାଓ୍ଵାର ଗ୍ରୀଡ ଗୁଡିକ କ୍ଷତିଗ୍ରସ୍ତ ହେବାର ସମ୍ଭାବନା ରହିଛି ।
Sambad is now on WhatsApp
Join and get latest news updates delivered to you via WhatsApp
ଯଦିଓ ସୂର୍ଯ୍ୟପୃଷ୍ଠରେ ଏପରି ସୌର ବିସ୍ଫୋରଣ ବେଶ ସ୍ୱାଭାବିକ କଥା, କିନ୍ତୁ ଏସବୁ ବିସ୍ଫୋରଣ ସ୍ୱାଭାବିକଠାରୁ ବଡ଼ହେଲେ ତାହା ସାରା ପୃଥିବୀ ଓ ଜୀବଜଗତ ପାଇଁ ଭୟଙ୍କରଭାବେ କ୍ଷତିକାରକ ହୋଇଥାଏ ବୋଲି ବୈଜ୍ଞାନିକମାନେ କହିଛନ୍ତି । ତେବେ ଏଥର ହୋଇଥିବା ସୌରଝଡ଼ଟି କେତେ ଭୟଙ୍କର ତାହାର କଳନା ଏପର୍ଯ୍ୟନ୍ତ ହୋଇପାରିନାହିଁ । କିନ୍ତୁ ଜାନୁୟାରୀ ୧ରେ ଏହା ପୃଥିବୀକୁ ପ୍ରଭାବିତ କରିବାର ୫୦ ପ୍ରତିଶତ ଆଶଙ୍କା ରହିଛି ବୋଲି ଟରୋଣ୍ଟୋ ବିଶ୍ୱବିଦ୍ୟାଳୟର ଜ୍ୟୋତିର୍ବିଜ୍ଞାନୀ ବ୍ରିଆନ ଗେନସଲର କହିଛନ୍ତି । ସବୁଠାରୁ ଭୟଙ୍କର ସୌରଝଡ଼ ୧୮୫୯ରେ ହୋଇଥିଲା । ଏହାକୁ କାରିଂଟନ ଇଭେଣ୍ଟ ବା ୧୮୫୯ ସୋଲାର ସୁପରଷ୍ଟର୍ମ କୁହାଯାଏ । ଏହାର ପ୍ରଭାବରେ ସେତେବେଳେ ସାରା ୟୁରୋପ ଓ ଆମେରିକାରେ ଟେଲିଗ୍ରାଫ ଲାଇନ କ୍ଷତିଗ୍ରସ୍ତ ହୋଇଥିଲା ।