ଜମ୍ମୁ-କଶ୍ମୀର: ପାକିସ୍ତାନର ଅସ୍ତ୍ରବିରତି ଉଲଂଘନ, ନାବାଳିକା ଗୁରୁତର
ଶ୍ରୀନଗର: ଜମ୍ମୁ-କଶ୍ମୀର ସୀମାନ୍ତ ପୁଞ୍ଚ ସେକ୍ଟରରେ ମଙ୍ଗଳବାର ପାକିସ୍ତାନୀ ସେନା ଅସ୍ତ୍ରବିରତି ଉଲଂଘନ କରି ଭାରତୀୟ ସୀମାନ୍ତବର୍ତ୍ତୀ ଗ୍ରାମ ଉପରକୁ ଗୁଳି ଚାଳନା କରିଛି । ଏହି ଗୁଳିଚାଳନା ଫଳରେ ଜଣେ ନାବାଳିକା ଗୁରୁତର ହୋଇଥିବା ବିଏସଏଫ୍ ସୂତ୍ରରୁ ଜାଣିବାକୁ ମିଳିଛି। ଆହତ ନାବାଳିକା ଜଣକ ହେଉଛନ୍ତି ୧୩ ବର୍ଷୀୟ ଗୁଲ୍ନାଜ। ଗୁଲ୍ନାଜଙ୍କୁ ଗୁରୁତର ଅବସ୍ଥାରେ ଜିଲ୍ଳା ଚିକତ୍ସାଳୟର ଭର୍ତ୍ତି କରାଯାଇଛି।
Sambad is now on WhatsApp
Join and get latest news updates delivered to you via WhatsApp
J&K: Girl injured in ceasefire violation by Pakistan in #Poonch sector pic.twitter.com/7UjDm40Uw5
— ANI (@ANI) October 31, 2017
ଉଲ୍ଲେଖଯୋଗ୍ୟ, ପାକିସ୍ତାନୀ ରେଞ୍ଜର୍ସ ମଙ୍ଗଳବାର ଜମ୍ମୁ-କଶ୍ମୀରର ପୁଞ୍ଚ ସେକ୍ଟରରେ ଅତର୍କିତ ଭାବେ ଗୁଳି ଚାଳନା କରିଥିଲେ। ପୂର୍ବରୁ କିଛି ଦିନ ତଳେ ମଧ୍ୟ ପାକିସ୍ତାନୀମାନେ ଏପରି କରିଥିଲେ। ପାକିସ୍ତାନର ଅସ୍ତ୍ରବିରତି ଉଲଂଘନ ଫଳରେ ୪ ଜଣ ଗୁରୁତର ହୋଇଥିଲେ। ଅକ୍ଟୋବର ୧୩ ତାରିଖରେ ଜିଲ୍ଲା ଅଧିକାରୀ ସ୍କୁଲ୍ଗୁଡ଼ିକୁ ବନ୍ଦ କରିବା ପାଇଁ କହିଥିଲେ। ଏବେ ସୀମାରେ ପୁଣି ଥରେ ସମାନ ପରିସ୍ଥିତି ଉପୁଜିଥିବା ଚିନ୍ତାର କାରଣ ପାଲଟିଛି।