କାବୁଲ: ଆଫଗାନିସ୍ତାନର ଏକ ସିହା ମସଜିଦରେ ଆଜି ଦୁଇଟି ବୋମା ବିସ୍ଫୋରଣ ହେବାରୁ ୨୦ ଜଣଙ୍କର ମୃତ୍ୟୁ ହୋଇଛି ଓ ପ୍ରାୟ ୫୦ ଜଣ ଆହତ ହୋଇଛନ୍ତି । ମୃତ୍ୟୁ ସଂଖ୍ୟା ଆହୁରି ବଢିବାର ଆଶଙ୍କା ରହିଛି କାରଣ ଶୁକ୍ରବାର କାରଣରୁ ମସଜିଦରେ ପ୍ରାର୍ଥନା କରିବାକୁ ଅନେକ ଲୋକ ଥିଲେ । ତେବେ କେତେକ ବେସରକାରୀ ସୁତ୍ର ଓ ସ୍ଥାନୀୟ ଲୋକଙ୍କ କହିବା ଅନୁସାରେ ଏହି ବିସ୍ଫୋରଣ ଫଳରେ ଅତି କମରେ ୭୦ ଜଣ ମରିଥିବା ଅନୁମାନ କରାଯାଉଛି ।
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନ ସୀମାକୁ ଲାଗିଥିବା ଆଫଗାନିସ୍ତାନର ପାକତିଆ ରାଜ୍ୟର ଗାରଦେଜ ଜିଲ୍ଲାର ଖ୍ଵାଜା ହାସନ ଅଂଚଳରେ ଏହି ବୋମା ବିସ୍ଫୋରଣ ହୋଇଥିଲା । ରାଜ୍ୟର ପୁଲିସ ମୁଖ୍ୟ ଜେନେରାଲ ରାଜ ମହମ୍ମଦ ରାଣ୍ଡୋଜାଇ କହିଛନ୍ତି ଯେ ଦୁଇଜଣ ଆତ୍ମଘାତି ଆତଙ୍କବାଦୀ ପ୍ରଥମେ ଗୁଳି ଚଳାଇଥିଲେ ଓ ତାପରେ ବୋମାକୁ ବିସ୍ଫୋରଣ କରିଦେଇଥିଲେ । ତେବେ ଏପର୍ଯ୍ୟନ୍ତ ଏହି ବିସ୍ଫୋରଣ ଲାଗି କୌଣସି ଦଳ ନିଜକୁ ଦାୟୀ କରି ନାହାନ୍ତି । କିଛି ସପ୍ତାହ ପୂର୍ବେ ଆଫଗାନିସ୍ତାନର ରାଜଧାନୀ କାବୁଲରେ ଥିବା ଏକ ହସପିଟାଲ ନିକଟରେ ଆତ୍ମଘାତୀ ଆକ୍ରମଣ ହୋଇଥିଲା ।