ଜଶଓ୍ଵନ୍ତ ସିହ୍ନାଙ୍କ ସହ ଏକମତ ନୁହଁନ୍ତି ପୁତ୍ର  ତଥା ବେସାମରିକ  ବିମାନ ଚଳାଚଳ ମନ୍ତ୍ରୀ  ଜୟନ୍ତ ସିହ୍ନା!

0 845

ଅଟଳ  ବିହାରୀ ବାଜପେୟୀଙ୍କ ସରକାରରେ  କେନ୍ଦ୍ର  ଅର୍ଥ ମନ୍ତ୍ରୀ ଥିବା  ଯଶଓ୍ଵାନ୍ତ ସିହ୍ନାଙ୍କ କେନ୍ଦ୍ର ସରକାରଙ୍କ  ଆର୍ଥିକ  ନୀତିକୁ ନେଇ ଲିଖିତ  ପ୍ରସଙ୍ଗ ଉପରେ ଟିପ୍ପଣୀ କରି ତାଙ୍କର ସୁପୁତ୍ର ତଥା   ବେସାମରିକ  ବିମାନ ଚଳାଚଳ ମନ୍ତ୍ରୀ  ଜୟନ୍ତ ସିହ୍ନା । ସେ ଏକ  ଲେଖା ଟାଇମ୍‌ସ ଅଫ୍‌ ଇଣ୍ଡିଆ ଇଂରାଜୀ ଦୈନିକରେ ଲେଖିଛନ୍ତି । ଏଥିରେ  ସେ ଉଲ୍ଲେଖ କରିଛନ୍ତି ଯେ  ଆମେ  ଏକ ନୂତନ  ଶକ୍ତିଶାଳୀ  ଅର୍ଥ ବ୍ୟବସ୍ଥା ପ୍ରସ୍ତୁତ କରୁଛୁ, ଯାହା ଦୀର୍ଘ  କାଳୀନ  ଭିତ୍ତିରେ ଭାରତକୁ  ଲାଭାନ୍ଵିତ  କରିବ ।

ଜୟନ୍ତ ସିହ୍ନା ଲେଖିଛନ୍ତିଯେ ଜି.ଏସ୍‌.ଟି, ନୋଟବନ୍ଦୀ ଓ ଡିଜିଟାଲ୍‌  ପେମେଣ୍ଟକୁ  ପ୍ରୋତ୍ସାହନ ଜରିଆରେ  ଏକ ପରିବର୍ତ୍ତନ ଅଣାଯାଇଛି,ଯାହାର ସୁପ୍ରଭାବ ଦୀର୍ଘକାଳୀନ ଭିତ୍ତିରେ  ଦେଖିବାକୁ ମିଳିବ । ଏହି  ସରକାରଙ୍କ  କାର୍ଯ୍ୟକାଳରେ  ଏଫ୍‌ ଡି ଆଇରେ  ଯଥେଷ୍ଟ ବୃଦ୍ଧି ଘଟିଛି ।  ସେ  ଆହୁରି ମଧ୍ୟ  ଉଲ୍ଲେଖ କରିଛନ୍ତି ଯେ କେବଳ ଗୋଟିଏ ବା ଦୁଇଟି ତ୍ରୈମାସିକର ତଥ୍ୟକୁ ନେଇ  ଅର୍ଥ ବ୍ୟବସ୍ଥାର ଆକଳନ  କରିବା ଠିକ୍‌ ନୁହେଁ ।

ଜନଧନ-ଆଧାର-ମୋବାଇଲ୍‌  (ଜେଏଏମ୍‌) ଡିବଟିି ପ୍ରକ୍ରିୟାକୁ ଅଧିକ ଶକ୍ତିଶାଳୀ  କରିଛି ।  ଏହା ଦ୍ୱାରା  ଗତ ତିନି ବର୍ଷ  ଭିତରେ ହିତାଧିକାରୀ ମାନଙ୍କୁ  ସିଧାସଳଖ  ୧.୭୫ଲକ୍ଷ  କୋଟି ଟଙ୍କାର ଫାଇଦା  ମିଳିଛି । ସେ ଆହୁରି ମଧ୍ୟ ଉଲ୍ଲେଖ   କରିଛନ୍ତି ଯେ ୨୦୧୮ ସୁଦ୍ଧା ଭାରତର ଶତ ପ୍ରତିଶତ   ଗ୍ରାମରେ  ବିଦ୍ୟୁତ ପହଞ୍ଚିବ । ସଂପ୍ରତି ଗ୍ରାମାଞ୍ଚଳରେ  ଦୈନିକ  ୧୩୩ କିଲୋମିଟର ହାରରେ ରସ୍ତା ନିର୍ମାଣ ଚାଲିଛି, ଯାହା ଏକ ରେକର୍ଡ । ୨୦୧୪ରେ ଏହି ହାର ଥିଲା ଦୈନିକ ୬୯ କିଲୋମିଟର ।

ଷ୍ଟାର୍ଟ ଅପ୍‌ ଇଣ୍ଡିଆର ସଫଳତା  ମଧ୍ୟ  ଆଇଆଇଟି  କ୍ୟାମ୍ପସ ମାନଙ୍କରେ ପରିଲକ୍ଷିତ  ହେଲାଣି ବୋଲି  ଜୟନ୍ତ  ସିହ୍ନା  ଏଥିରେ  ଉଲ୍ଲେଖ  କରିଛନ୍ତି ।ସେ  ପିତା ଜଶଓ୍ଵନ୍ତ ସିହ୍ନାଙ୍କ ସହ ଏକମତ ନୁହଁନ୍ତି ବୋଲି ଏହି ଲେଖାରୁ ସ୍ପଷ୍ଟ   ଜଣାପଡୁଛି ।

ସମ୍ବନ୍ଧିତ ଖବର

Leave A Reply

Your email address will not be published.