ଜାଣନ୍ତି କି?ଅନ୍ତିମ ସଂସ୍କାର ସମୟରେ ଶବର ମୁହଁ ଉପରେ ରଖାଯାଏ ଏହି ଗୋଟିଏ ଖାସ୍ ଜିନିଷ
ଶ୍ରୀମଦ୍ ଭାଗବତ୍ ଗୀତାରେ ଶ୍ରୀକୃଷ୍ଣ ଅର୍ଜୁନଙ୍କୁ କହିଥିଲେ ମଣିଷ ଶରୀରରେ ଆତ୍ମା ହେଉଛି ଅମର । ଆତ୍ମା ଏକ ନର୍ଦ୍ଧିଷ୍ଟ ସମୟ ପାଇଁ ମଣିଷ ଶରୀରର ରୂପ ଧାରଣ କରିଥାଏ ଏବଂ ଯେତେବେଳେ ଆତ୍ମା ମଣିଷ ଶରୀରର ତ୍ୟାଗ କରିଥାଏ ସେ ସମୟରେ ମଣିଷର ମୃତ୍ୟୁ ହୁଏ ବୋଲି କୁହାଯାଏ । ମୃତ୍ୟୁ ପରେ ଶବର ଅନ୍ତିମ ସଂସ୍କାର କରାଯାଇଥାଏ । ଅନ୍ତିମ ସଂସ୍କାର ସମୟରେ ଶବ ଉପରେ କେଉଁ ଖାସ୍ ଜିନିଷଟି ରଖା ଯାଇଥାଏ ସେ ବିଷୟରେ ଆପଣ ଜାଣିଛନ୍ତି କି? ଭାଗବତରେ ଉଲ୍ଲେଖ ଥିବା ଅନୁଯାୟୀ ମଣିଷର ଅନ୍ତିମ ସଂସ୍କାର ସମୟରେ ତା’ର ମୁହଁ ଉପରେ ଚନ୍ଦନ କାଠ ରଖା ଯାଇଥାଏ ।
୧. ହିନ୍ଦୁ ପରମ୍ପରା ଅନୁଯାୟୀ, ମନୁଷ୍ୟର ମୁଖରେ ଚନ୍ଦନ କାଠ ରଖା ଯାଇ ଶବଦାହ କରାଯାଇଥାଏ । ପ୍ରାଚୀନ କାଳରୁ ଏହି ପରମ୍ପରା ଚାଲି ଆସୁଥିବା ବେଳେ ଏହି ପରମ୍ପରା ପଛରେ କେବଳ ଧାର୍ମିକ ନୁହେଁ ବୈଜ୍ଞାନିକ କାରଣ ମଧ୍ୟ ରହିଛି ।
୨. ପ୍ରାଚୀନ କାଳରେ କେବଳ ଚନ୍ଦନ କାଠରେ ହିଁ ଶବଦାହ କରାଯାଉଥିଲା। କିନ୍ତୁ ଏବେ ଚନ୍ଦନ କାଠ ଅଧିକ ମହଙ୍ଗା ହୋଇ ଯାଇଥିବାରୁ ସମସ୍ତଙ୍କ ପାଇଁ ଏହାକୁ କିଣି ଶବଦାହ କରିବା ସମ୍ଭବ ହେଉନାହିଁ । ସେଥିପାଇଁ ଏବେ କେବଳ ପରମ୍ପରାକୁ ଜୀବିତ ରଖିବା ପାଇଁ ସାଧାରଣ କାଠରେ ଶବଦାହ କରାଯାଇ ଚନ୍ଦନ କାଠକୁ ମୁଖ ଉପରେ ରଖା ଯାଉଛି ।
Sambad is now on WhatsApp
Join and get latest news updates delivered to you via WhatsApp
୩. ଶବ ଉପରେ ଚନ୍ଦନ କାଠ ରଖି ଶବଦାହ କଲେ ମଣିଷର ଆତ୍ମାକୁ ଶାନ୍ତି ମିଳିଥାଏ ବୋଲି ପୁରୁଣା ମାନ୍ୟତା ରହିଛି । ଏହା ସହ ମୃତକକୁ ଆର ପାରିରେ ମଧ୍ୟ ଶାନ୍ତି ଅନୁଭବ ହେବ ବୋଲି ମୁହଁ ଉପରେ ଚନ୍ଦନ ରଖା ଯାଇଥାଏ ।
୪. ଏହାର ଏକ ବୈଜ୍ଞାନିକ କାରଣ ହେଉଛି, ଶବ ସତ୍କାର କରିବା ସମୟରେ ଶବରୁ ବାହାରୁଥିବା ଦୁର୍ଗନ୍ଧ ଚାରିଆଡ଼େ ବ୍ୟାପି ଯାଇଥାଏ । ଏପରି ନ ହେବା ପାଇଁ ଶବଦାହ ସମୟରେ ଚନ୍ଦନ କାଠ ରଖା ଯାଇଥାଏ ।