୨ ଥର ଆତ୍ମହତ୍ୟା ଉଦ୍ୟମ ପରେ ୨୫ମହଲା ଉପରୁ ଡ଼େଇଁବାକୁ ବସିଥିବା ବେଳେ ମନରେ ଆସିଲା ଏକ ଭାବନା, ଯାହା ବଦଳାଇ ଦେଲା ଏହି ଚାଟାର୍ଡ଼ ଆକଉଣ୍ଟାଣ୍ଟଙ୍କ ଜୀବନର ରାସ୍ତା
ସିକର(ରାଜସ୍ଥାନ) : ତିନି ଥର ଆତ୍ମହତ୍ୟା ଉଦ୍ୟମ କରି ସାରିଥିବା ଚାଟାର୍ଡ଼ ଆକାଉଣ୍ଟାଣ୍ଟ ପରେଶ ଗୁପ୍ତା ଏବେ ଆତ୍ମହତ୍ୟା କରୁଥିବା ଲୋକମାନଙ୍କୁ ଜୀବନର ମହତ୍ତ୍ୱ ବିଷୟରେ ଜଣାଉଛନ୍ତି । ଏବେ ପର୍ଯ୍ୟନ୍ତ ଅବସାଦଗ୍ରସ୍ତ ହୋଇ ଆତ୍ମହତ୍ୟାର ଉଦ୍ୟମ କରୁଥିବା ୫୩ ଜଣ ଲୋକଙ୍କ ଜୀବନ ବଞ୍ଚାଇ ସାରିଛନ୍ତି ପରେଶ । ୪ ବର୍ଷ ସିକରରେ ରହି ପରେଶ ଚାଟାର୍ଡ଼ ଆକାଉଣ୍ଟାଟ୍ର ପାଠ ପଢ଼ିଥିବା ବେଳେ ଏବେ ସେ ଦେଶର ଜଣାଶୁଣା ମୋଟିଭେଟରଙ୍କ ମଧ୍ୟରେ ନିଜର ନାଁ ସାମିଲ କରି ପାରିଛନ୍ତି । ଦେଶ-ବିଦେଶର ବିଭିନ୍ନ ସ୍କୁଲକୁ ଯାଇ ସେ ପିଲାମାନଙ୍କୁ ଜୀବନର ମହତ୍ତ୍ୱ ବିଷୟରେ କହିବା ସହ ଆତ୍ମହତ୍ୟା ଭଳି ପଦକ୍ଷେପ ନ ନେବାକୁ କହିଥାନ୍ତି ।
Sambad is now on WhatsApp
Join and get latest news updates delivered to you via WhatsApp
ପରେଶଙ୍କୁ ତାଙ୍କର ଏଭଳି ଅନୁପ୍ରାଣିତ କଲା ଭଳି ଯାତ୍ରା ବିଷୟରେ ପଚରାଯିବା ପରେ ସେ କହିଥିଲେ, ୧୯୯୯ ମସିହାରେ ଯେତେବେଳେ ମୁଁ ସ୍କୁଲରେ ପଢ଼ୁଥିଲେ,ସେତେବେଳେ ମୋ ସାଙ୍ଗମାନେ ମୋତେ ଚିଡ଼ାଇବା ଆରମ୍ଭ କରିଥିଲେ । ଯାହାଦ୍ୱାରା ମୋର ଆତ୍ମବିଶ୍ୱାସ କମିବାକୁ ଲାଗିଥିଲା । ଧିରେ ଧିରେ ମୁଁ ଅବସାଦଗ୍ରସ୍ତ ହୋଇ ପ୍ରଥମେ ହାତ କାଟିଥିଲି । କିନ୍ତୁ ପରିବାର ଲୋକଙ୍କ ପାଇଁ ବଞ୍ଚି ଯାଇଥିଲି । ଏହାର ୩ ମାସ ପରେ ମୁଁ ନିଦ ବଟିକା ଖାଇ ଆତ୍ମହତ୍ୟାର ଉଦ୍ୟମ କରିଥିଲି । କିନ୍ତୁ ଦ୍ୱିତୀୟ ଥର ମଧ୍ୟ ବଞ୍ଚି ଯାଇଥିଲି । ଶେଷରେ ୬ମାସ ପରେ ମୁଁ ୨୫ମହଲା ଉପରକୁ ଯାଇ ଆତ୍ମହତ୍ୟା କରିବାକୁ ନିଷ୍ପତ୍ତିି ନେଇଥିଲି । କିନ୍ତୁ ୨୫ମହଲା ଉପରେ ଠିଆ ହୋଇ ତଳକୁ ଦେଖିବା ପରେ ମୋ ମନରେ ବଞ୍ଚିବାର ଆଶା ଜାଗି ଉଠିଥିଲା । ଏହା ପରେ ମୁଁ ଆତ୍ମହତ୍ୟା କରିବାର ଭାବନା ଛାଡ଼ି ଯେଉଁମାନେ ମୋତେ ଚିଡ଼ାଉଥିଲେ ତାଙ୍କ ବିରୋଧରେ ଅଭିଯୋଗ କରିଥିଲି । ଏହା ପରେ ମୁଁ ଦିଲ୍ଲୀର ଶ୍ରୀରାମ କଲେଜରେ ବି.କମ୍ କରି ୨୦୦୪ରେ ଟପ୍ପର ହୋଇଥିଲି । ଏହା ପରେ ମୁଁ ଚାଟାର୍ଡ଼ ଆକାଉଣ୍ଟାଣ୍ଟ ଭାବେ କାମ କରିବା ଆରମ୍ଭ କରିଥିଲି ।
ଲଣ୍ଡନ ଯାଇ ଏମ୍ବିଏ କରିବା ପରେ ମୁଁ ଏବେ ଇଣ୍ଟନ୍ୟାସ୍ନାଲ ବ୍ୟାଙ୍କରେ କାମ କରୁଛି । ଇଣ୍ଟନ୍ୟାସ୍ନାଲ ବ୍ୟାଙ୍କର ହେବା ସହ ମୋ ସହ ଯାହା ହୋଇଥିଲା ସେଭଳି ଉଦ୍ୟମ ଆଉ କେହି ନ କରନ୍ତୁ,ସେ ନେଇ ମୁଁ ଲୋକମାନଙ୍କୁ ଉପଦେଶ ଦେବା ଆରମ୍ଭ କରିଛି ବୋଲି ପରେଶ କହିଛନ୍ତି । ତାଙ୍କର ଏଭଳି ଉଦ୍ୟମ ପାଇଁ ଅନେକ ନିଜର ଆତ୍ମହତ୍ୟାର ନିଷ୍ପତ୍ତିି ବଦଳାଇ ଦେଇଥିବା ଜଣା ପଡ଼ିଛି ।