ପାଇଖାନା ଟାଙ୍କିରେ ପଶି ଖାଲି ହାତରେ ମଇଳା କାଢ଼ିଲେ ଜିଲ୍ଳାପାଳ, ଜାଣନ୍ତୁ କେଉଁ ପରିସ୍ଥିତିରେ ସେ ଏପରି କଲେ

0 11,009

ହାଇଦ୍ରାବାଦ୍‌: ତେଲେଙ୍ଗାନାର ମେଡକ ଜିଲ୍ଲାର ଜିଲ୍ଲାପାଳ କେ ଧର୍ମା ରେଡ୍ଡି ଖୋଲା ହାତରେ ପାଇଖାନା ଟାଙ୍କିରୁ ମଇଳା କାଢ଼ି ଚର୍ଚ୍ଚା ପାଲଟିଛନ୍ତି। ପୁଣେଠାରେ ସ୍ୱଚ୍ଛ ଭାରତ ମିସନ୍‌ ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ ଶ୍ରୀ ରେଡ୍ଡି ଏପରି କରିଥିବା ଜାଣିବାକୁ ମିଳିଛି। ଅଳିଆ ଆବର୍ଜନାକୁ କିପରି ଜୈବିକ ସାରରେ ପରିଣତ କରିହେବ ସେ ନେଇ କରାଯାଇଥିବା ଓ୍ଵାର୍କସପ୍‌ରେ ପ୍ରଥମେ କାର୍ଯ୍ୟକର୍ତ୍ତାମାନେ ପ୍ରକ୍ରିୟା ପ୍ରଦର୍ଶନ କରିବା ପରେ ଜିଲ୍ଳାପାଳ ରେଡ୍ଡି ପାଇଖାନା ଟାଙ୍କିରେ ପଶି ଖାଲି ହାତରେ ଟାଙ୍କି ଭିତରର ମଇଳାକୁ ବାହାରକୁ କାଢ଼ିଥିଲେ।

Panda Mobile only

ଉଲ୍ଳେଖଯୋଗ୍ୟ, ଗତବର୍ଷ ମେଡକକୁ ଓପନ୍‌ ଡିଫେକ୍ସନ ଫ୍ରି(ଓଡିଏଫ୍‌) ଅର୍ଥାତ ଖୋଲା ଶୌଚ ମୁକ୍ତ ଜିଲ୍ଲା କରିବା ପାଇଁ ଘୋଷଣା କରାଯାଇଥିଲା। ତେଲେଙ୍ଗାନାର ୮ଟି ଜିଲ୍ଲାକୁ ସେ ସମୟରେ ଓଡିଏଫ୍‌ ଘୋଷଣା କରାଯାଇଥିଲା। ତେଲେଙ୍ଗାନା ଖୁବ୍‌ ଶୀଘ୍ର ଖୋଲା ଶୌଚ ମୁକ୍ତ ରାଜ୍ୟ ଭାବେ ପରିଣତ ହେବ ବୋଲି ଆଶା କରାଯାଉଛି।

ରିପୋର୍ଟରୁ ଜାଣିବାକୁ ମିଳିଛି ଯେ ବର୍ତ୍ତମାନ ସୁଦ୍ଧା ସମୁଦାୟ ୧୧ଟି ରାଜ୍ୟକୁ ଓଡିଏଫ୍‌ ଘୋଷଣା କରାଯାଇଛି। ସେହି ରାଜ୍ୟଗୁଡ଼ିକ ମଧ୍ୟରେ ଅଛନ୍ତି ହିମାଚଳ ପ୍ରଦେଶ, କେରଳ, ଉତ୍ତରଖଣ୍ଡ, ହରିଆଣା, ଗୁଜୁରାଟ, ଚଣ୍ଡିଗଡ଼, ଦାମନ ଆଣ୍ଡ ଡୁଉ, ଅରୁଣାଚଳ ପ୍ରଦେଶ, ଛତିଶଗଡ଼ ଏବଂ ମେଘାଳୟ।

ସମ୍ବନ୍ଧିତ ଖବର

Leave A Reply

Your email address will not be published.