ପେସା ଏବଂ ନିଶାକୁ ଆଖି ଆଗରେ ରଖି ନିଜ ଲାଠିକୁ ବଇଁଶୀ କରିଦେଲେ ପୁଲିସ କନେଷ୍ଟବଳ
ହୁବୁଲୀ(କର୍ଣ୍ଣାଟକ) : ହୁବୁଲୀ ପୁଲିସ ଷ୍ଟେସନରେ କାର୍ଯ୍ୟରତ ଥିବା ଜଣେ କନେଷ୍ଟବଳ ନିଜର ସଉକ ପୂରା କରିବା ପାଇଁ ଯେଉଁ ବାଟ ଆପଣାଇଛନ୍ତି, ତାକୁ ନେଇ ଏବେ ଚର୍ଚ୍ଚା ଜୋର ଧରିଛି । କନେଷ୍ଟବଳଙ୍କୁ ବଇଁଶୀ ବଜାଇବାର ସଉକ ଥିବାରୁ ସେ ନିଜ ଫାଇବର ଲାଠିକୁ ବଇଁଶୀରେ ପରିଣତ କରି ଦେଇଥିବା ଜଣାପଡ଼ିଛି । ଯାହାଦ୍ୱାରା ଡିୟୁଟି ସରିବା ପରେ କନେଷ୍ଟବଳ ଚନ୍ଦ୍ରକାନ୍ତ ହଟଗେ ନିଜର ସଉକ ସହଜରେ ପୂରା କରି ପାରୁଛନ୍ତି ।
Sambad is now on WhatsApp
Join and get latest news updates delivered to you via WhatsApp
Chandrakant Hutgi, Head Constable from Hubli Rural Police station has converted his Deadly Fiber Lathi into a Musical Instrument… we are proud of him… pic.twitter.com/gyZWhk1lkb
— Bhaskar Rao IPS (@deepolice12) 28 May 2019
ଚନ୍ଦ୍ରକାନ୍ତଙ୍କ କହିବା ଅନୁଯାୟୀ, ମୁଁ ହାଇସ୍କୁଲରେ ପଢ଼ିବା ସମୟରୁ ହିଁ ବଇଁଶୀ ବଜାଇ ଆସୁଛି । ଡିୟୁଟିର ସମୟସୀମା ଅଧିକ ଥିବାରୁ ଘରକୁ ଯାଇ ମୋତେ ମୋ ସଉକ ପୂରା କରିବା ପାଇଁ ସମୟ ମିଳି ନଥାଏ । ଏ ସବୁକୁ ଆଖି ଆଗରେ ରଖି ମୁଁ ମୋ ଲାଠିକୁ ବଇଁଶୀରେ ପରିଣତ କରିବା କଥା ଚିନ୍ତା କରିଥିଲି । ଯାହାଦ୍ୱାରା କାମରୁ ଟିକେ ବିରତି ମିଳିଲେ ମୁଁ ମୋର ବଇଁଶୀ ବଜାଇବାର ସଉକ ପୂରା କରି ପାରୁଛି । ମୋର ବିଭାଗ ଏହି ନିଷ୍ପତ୍ତିରେ ମୋତେ ସହୟତା କରିବା ପରେ ମୁଁ ଏହାକୁ ଅଧିକ ସଫଳ କରି ପାରିଛି । ଚନ୍ଦ୍ରକାନ୍ତଙ୍କ କିଛି ଭିଡିଓ ଏବେ ସାମ୍ନାକୁ ଆସିଛି, ଯେଉଁଥିରେ ସେ ବଇଁଶୀ ବଜାଉଥିବା ଦେଖିବାକୁ ମିଳିଛି ।