ସ୍ପେନ୍ ଅନ୍ତର୍ଗତ ଏଲ୍ଚିକୁ କହାଯାଏ- ‘ଖଜୁରି ଗଛର ନଗର’। ଏହି ସହରର ଲୋକସ˚ଖ୍ୟା ତୁଳନାରେ ଖଜୁରି ଗଛ ସ˚ଖ୍ୟା ଅଧିକ। ସେଠାରେ ତିନି ଲକ୍ଷରୁ ଅଧିକ ଖଜୁରି ଗଛ ଅଛି। ସ୍ପେନ୍ର ଦକ୍ଷିଣ-ପୂର୍ବାଞ୍ଚଳରେ ଅବସ୍ଥିତ ଏହି ସହର ଏକଦା ଥିଲା, କାର୍ଥେଜୀୟଙ୍କ ବାସସ୍ଥାନ। ସେମାନଙ୍କ ମାଧ୍ୟମରେ ଖ୍ରୀଷ୍ଟ ପୂର୍ବ ପଞ୍ଚମ ଶତାବ୍ଦୀରେ, ସେଠାକୁ ଖଜୁରି ଗଛ ଆସିଥିଲା। ତେବେ, ଖ୍ରୀଷ୍ଟ ପର ଦଶମ ଶତାବ୍ଦୀରେ ମୁସଲମାନମାନେ ଖଜୁରି ଚାଷର ବ୍ୟବସାୟୀକରଣ କରାଇଥିଲେ।
Sambad is now on WhatsApp
Join and get latest news updates delivered to you via WhatsApp
ଦୂରରୁ ଦେଖିଲେ, ଏଲ୍ଚି ସହର ହଠାତ୍ ଆଖିରେ ପଡ଼େନାହିଁ; କେବଳ ଖଜୁରି ଗଛର ଜଙ୍ଗଲ ଦେଖାଯାଏ। ଗଛଗୁଡ଼ିକ କିନ୍ତୁ, ପ୍ରକୃତରେ ସହର ଭିତରେ ହିଁ ସୁନ୍ଦର ଭାବେ ଲଗାଯାଇଛି। ବ୍ୟକ୍ତିଗତ ମାଲିକାନାରେ କୌଣସି ଖଜୁରି ବଗିଚା ନାହିଁ। ସବୁତକ ସ୍ଥାନୀୟ ପ୍ରଶାସନର ସ˚ପତ୍ତି। ଖଜୁରି ଗଛ, ସେଠାକାର ସାମାଜିକ ସ˚ସ୍କୃତିର ଅ˚ଶବିଶେଷ। ୨୦୦୦ରେ ଏଲ୍ଚିକୁ ବିଶ୍ୱ ଐତିହ୍ୟ ମାନ୍ୟତା ମିଳିଥିଲା।