ମହିଳା ଟ୍ବେଣ୍ଟି-୨୦ ବିଶ୍ବକପ୍ : ନାଇଟ୍ଙ୍କ ନାଁରେ ପ୍ରଥମ ଶତକ
କାନ୍ବେରା : ଚଳିତ ମହିଳା ଟ୍ବେଣ୍ଟି-୨୦ ବିଶ୍ବକପ୍ରେ ପ୍ରଥମ ଶତକ ଇଂଲଣ୍ଡ ଅଧିନାୟିକା ହିଦର ନାଇଟ୍ଙ୍କ ନାମକୁ ଯାଇଛି। ବୁଧବାର ଥାଇଲାଣ୍ଡ ବିପକ୍ଷ ମ୍ୟାଚ୍ରେ ନାଇଟ୍ ଅପରାଜିତ ୧୦୮ ରନ୍ କରିଥିଲା ବେଳେ ତାଙ୍କ ଦଳ ୯୮ ରନ୍ର ବୃହତ୍ ବ୍ୟବଧାନରେ ବିଜୟୀ ହୋଇଛି। ଇଂଲଣ୍ଡର ୧୭୬/୨ ଜବାବରେ ଥାଇଲାଣ୍ଡ୍ ୭୮/୭ କରିପାରିଥିଲା। ଇଂଲଣ୍ଡ ପକ୍ଷରୁ ନାତାଲିଆ ସିଭର୍ ୫ ରନ୍ରେ ୨ ଓ ଆନ୍ୟା ସ୍ରବ୍ସୋଲେ ୨୧ ରନ୍ରେ ୩ ୱିକେଟ୍ ଅକ୍ତିଆର କରିଥିଲେ। ଇଂଲଣ୍ଡର ମଧ୍ୟ ଏହା ସର୍ବୋଚ୍ଚ ଟ୍ବେଣ୍ଟି-୨୦ ଆନ୍ତର୍ଜାତିକ ସ୍କୋର୍। ନାଇଟ୍ ୬୬ ବଲ୍ରୁ ୧୦୮ ରନ୍ କରିଥିଲେ। ଏଥି ସହିତ ଟ୍ବେଣ୍ଟି-୨୦ ବିଶ୍ବକପ୍ରେ ଶତକ ଜମାଇବାରେ ସେ ଚତୁର୍ଥ ଖେଳାଳି ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଚଳିତ ବିଶ୍ବକପ୍ର ବୁଧବାର ଖେଳାଯାଇଥିବା ଅନ୍ୟ ଏକ ମ୍ୟାଚ୍ରେ ପାକିସ୍ତାନ ୮ ୱିକେଟ୍ରେ ୨୦୧୬ ବିଜେତା ୱେଷ୍ଟଇଣ୍ଡିଜ୍କୁ ପରାସ୍ତ କରିଦେଇଛି। ୱେଷ୍ଟଇଣ୍ଡିଜ୍ ୧୨୪/୭ କରିଥିଲା ବେଳେ ପାକିସ୍ତାନ ୧୮.୨ ଓଭରରେ ୧୨୭/୨ କରିନେଇଥିଲା। ଏଥି ସହିତ ଚଳିତ ବିଶ୍ବକପ୍ରେ ପାକିସ୍ତାନ ମଧ୍ୟ ପ୍ରଥମ ବିଜୟ ହାସଲ କରିଛି।