Sambad, Odisha Latest News, Breaking News Odisha, Odisha Current Headlines, Odisha News Online | Sambad.in

ସିବିଏସଇର ଅନ୍ତଃରାଜ୍ୟ ଖୋ-ଖୋ:ଭୁବନେଶ୍ୱର ସାଇ ବିଜେତା

0 12

ବ୍ରହ୍ମପୁର: ଗୋଷାଣି ନୂଆଗାଁ ସ୍ଥିତ ଡିଏଭି ପବ୍ଲିକ୍‌ ସ୍କୁଲ ପରିସରରେ ସିବିଏସଇ ପୂର୍ବାଞ୍ଚଳ ଅନ୍ତଃରାଜ୍ୟ ଖୋ-ଖୋ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଏଥିରେ ଓଡ଼ିଶା, ଛତିଶଗଡ଼, ଆସାମ ଓ ପଶ୍ଚିମବଙ୍ଗର ୧୯ଟି ବିଦ୍ୟାଳୟର ପ୍ରତିଯୋଗୀ ଅଂଶଗ୍ରହଣ କରିଥିଲେ। ୧୭ ବର୍ଷରୁ କମ୍‌ ବାଳକ ବର୍ଗରେ ଛତିଶଗଡ଼ ବିମିତାରାର ଏଲୋନ୍‌ ପବ୍ଲିକ୍‌ ସ୍କୁଲ ବିଜେତା ହୋଇଛି। ଫାଇନାଲରେ ଭୁବନେଶ୍ୱରର କଳିଙ୍ଗନଗର ଡିଏଭି ପବ୍ଲିକ୍‌ ସ୍କୁଲକୁ ୨୩-୧୯ ପଏଣ୍ଟରେ ପରାସ୍ତ କରିଥିଲା। ବାଳିକା ବର୍ଗ ଫାଇନାଲରେ ପଶ୍ଚିମବଙ୍ଗର ହଳଦିଆ ସେଣ୍ଟ ଜାଭିଅର୍ସକୁ ୧୪-୮ ପଏଣ୍ଟରେ ପରାସ୍ତ କରି ଛତିଶଗଡ଼ ପବ୍ଲିକ୍‌ ସ୍କୁଲ (ରାଇପୁର) ବିଜେତା ହୋଇଥିଲା।
୧୯ ବର୍ଷରୁ କମ୍‌ ବାଳକ ବର୍ଗରେ ଝାରସୁଗୁଡ଼ାର ସେଭେନ୍‌ ହିଲ୍ସ ରେସିଡେନନ୍ସିଆଲ ସ୍କୁଲ ନିଜର ସମସ୍ତ ମ୍ୟାଚକୁ ଜିତିବା ସହ ସର୍ବାଧିକ ୬ ପଏଣ୍ଟ ହାସଲ କରି ବିଜେତା ହୋଇଥିଲା। ବିକାଶ ଦ କନ୍‌ସେପ୍ଟ ସ୍କୁଲ ୪ ପଏଣ୍ଟ ହାସଲ କରି ଉପ ବିଜେତା ହୋଇଥିଲା। ବାଳିକା ବର୍ଗରେ ଭୁବନେଶ୍ୱର ସାଇ ଇଣ୍ଟରନ୍ୟାସନାଲ ସମସ୍ତ ମ୍ୟାଚ ଜିତି ସର୍ବାଧିକ ୬ପଏଣ୍ଟ ହାସଲ କରି ବିଜେତା ହୋଇଥିଲା। ଝାରସୁଗୁଡ଼ାର ସେଭେନ୍‌ ହିଲ୍ସ ୪ ପଏଣ୍ଟ ସହ ଉପବିଜେତା ହୋଇଥିଲା। ପ୍ରତିଯୋଗିତାର ମୁଖ୍ୟ ରେଫରି ରବୀନ୍ଦ୍ର ନାରାୟଣ ପ୍ରଧାନ ଥିବା ବେଳେ ୨୨ ଜଣ ସହଯୋଗ କରିଥିଲେ। ପ୍ରତି ବିଭାଗର ବିଜେତା ଦଳ ନଭେମ୍ବରରେ ହେବାକୁ ଥିବା ଜାତୀୟ ସିବିଏସ୍‌ଇ ପ୍ରତିଯୋଗିତାରେ ଅଂଶଗ୍ରହଣ କରିବେ।

ସମ୍ବନ୍ଧିତ ଖବର

Leave A Reply

Your email address will not be published.

3 × 3 =