ଆଇପିଏଲ ୧୧: ଦିଲ୍ଲୀ ବିପକ୍ଷରେ ଚେନ୍ନାଇ ୧୩ ରନ୍ରେ ବିଜୟୀ
ପୁନେ: ଦିଲ୍ଲୀ ଡେୟାରଡେଭିଲସ୍ ବିପକ୍ଷରେ ଚେନ୍ନାଇ ସୁପର କିଙ୍ଗସ୍ ୧୩ ରନ୍ରେ ବିଜୟୀ ହୋଇଛି। ଲଢୁଆ ବ୍ୟାଟିଂ କରି ଦିଲ୍ଲୀ ୨୦ ଓଭରରେ ୫ଟି ଓ୍ଵିକେଟ୍ ହରାଇ ୧୯୮ ରନ୍ ସଂଗ୍ରହ କରିଛି। ଋଷଭ ପନ୍ଥ ୪୫ଟି ବଲ ଖେଳି ସର୍ବାଧିକ ୭୯ ରନ୍ ସଂଗ୍ରହ କରିଥିଲେ। ସେହିପରି କୋଲିନ୍ ମୁନରୋ ୨୬ ରନ୍ ଓ ବିଜୟ ଶଙ୍କର ଅପରାଜିତ ୫୮ ରନ୍ ଯୋଡ଼ିଥିଲେ।
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ସେନ୍ ଓ୍ଵାଟସନ୍ଙ୍କ ବିସ୍ଫୋରକ ବ୍ୟାଟିଂ ବଳରେ ଚେନ୍ନାଇ ସୁପର କିଙ୍ଗସ୍ ୨୦ ଓଭରରେ ୪ଟି ଓ୍ଵିକେଟ୍ ହରଇ ୨୧୧ ରନ୍ ସଂଗ୍ରହ କରିବା ପରେ ଦିଲ୍ଲୀ ଡେୟାରଡେଭିଲସ୍କୁ ୨୧୨ ରନ୍ ଟାର୍ଗେଟ ଦେଇଥିଲା। ଆଇପିଏଲ୍ ୧୧ତମ ସଂସ୍କରଣର ସୋମବାର ମ୍ୟାଚ୍ରେ ଟସ୍ ଜିଣି ଦିଲ୍ଲୀ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା।
ମହାରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମରେ ଚେନ୍ନାଇ ପ୍ରଥମ ଓ୍ଵିକେଟ୍ରେ ୧୦୨ ରନ୍ ସଂଗ୍ରହ କରିବା ପରେ ଦଳ ଭଲ ସ୍କୋର କରିପାରିଛି। ଦିଲ୍ଲୀର ପ୍ରଥମ ଶିକାର ଡୁପ୍ଲେସିସ ହୋଇଥିବା ବେଳେ ୨ୟ ଶିକାର ହୋଇଥିଲେ ସୁରେଶ ରୈନା(୧)। ସେତେବେଳକୁ ସ୍କୋର ୧୦୨ ରନ୍ ଥିଲା। ଚେନ୍ନାଇ ୧୩୦ ରନ୍ରେ ସେନ୍ ଓ୍ଵାଟସନ୍ଙ୍କୁ ହରାଇଥିଲା।
ମହେନ୍ଦ୍ର ସିଂହ ଧୋନି ୨୨ ଟି ବଲ ଖେଳି ଅପରାଜିତ ୫୧ ରନ୍ ସଂଗ୍ରହ କରିଥିବା ବେଳେ ଅମ୍ବାତି ରାୟଡୁ ୨୪ଟି ବଲ ଖେଳି ୪୧ ରନ୍ ସଂଗ୍ରହ କରିଥିଲେ। ଅମିତ ମିଶ୍ରା, ବିଜୟ ଶଙ୍କର ଓ ଗ୍ଲେନ ମ୍ୟାକସ୍ଓ୍ଵଲଙ୍କୁ ଗୋଟିଏ ଲେଖାଏଁ ଓ୍ଵିକେଟ୍ ମିଳିଥିଲା।