କୋଣାର୍କ: ଗତରାତିରେ କୋଣାର୍କ ମାର୍କେଟ୍ କମ୍ପ୍ଲେକ୍ସସ୍ଥିତ ଏକାଧିକ ଲଜ୍ରେ ଚଢ଼ାଉ ବେଳେ ୭ ଜଣ ଦେହଜୀବୀଙ୍କ ସହ ୯ ଜଣ ଗ୍ରାହକ ପୁଲିସ ହାତରେ ଧରାପଡ଼ିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି ଲଜ୍ଗୁଡ଼ିକରେ ଦେହ ବ୍ୟବସାୟ ଚାଲିଥିବା କଥା କୌଣସି ସୂତ୍ରରୁ ଖବର ପାଇ ନିମାପଡ଼ା ଏସ୍ଡିପିଓ ନିରଞ୍ଜନ ପାଢ଼ୀଙ୍କ ନେତୃତ୍ୱରେ କୋଣାର୍କ, ଗୋପ ଓ କାକଟପୁର ଥାନା ଅଧିକାରୀ ଓ ମହିଳା ପୁଲିସଙ୍କୁ ନେଇ ଗଠିତ ସ୍ୱତନ୍ତ୍ର ଚଢ଼ାଉ କରିଥିଲେ।
ଦେହଜୀବୀ ଓ ଗ୍ରାହକମାନଙ୍କ ବ୍ୟତୀତ ସେଠାରୁ ନିଜ ନିଜର ପ୍ରେମିକଙ୍କ ସହ ଆସିଥିବା ଜଣେ ସ୍କୁଲ୍ ଶିକ୍ଷୟିତ୍ରୀ ଏବଂ ଜଣେ କଲେଜ ଛାତ୍ରୀ ମଧ୍ୟ ଧରାପଡ଼ିଛନ୍ତି।
ଚଢ଼ଉ ସମୟରେ ଦୁଇଟି ଲଜ୍ରୁ ଧରାପଡ଼ିଥିବା ଦେହଜୀବୀମାନେ କୋଲକାତା, ଭଦ୍ରକ, ପଟ୍ଟାମୁଣ୍ଡାଇ, ଜଗତ୍ସିଂହପୁର, କିଷନନଗର ଓ ଔପଦା ଅଞ୍ଚଳର ବୋଲି ପୁଲିସ କହିଛି। ଧରା ପଡ଼ିଥିବା ୯ ଜଣ ଯୁବକମାନଙ୍କ ମଧ୍ୟରେ ଅଛନ୍ତି ଲଜ୍ର ଦୁଇ ଜଣ ପରିଚାଳକ।
ଡାକ୍ତରୀ ମାଇନା ପରେ ଧରା ପଡ଼ିଥିବା ରୂପଜୀବୀ ଓ ଗ୍ରାହକମାନଙ୍କୁ କୋର୍ଟ ଚାଲାଣ କରାଯିବ ବୋଲି ଏସ୍ଡିପିଓ ଶ୍ରୀ ପାଢ଼ୀ ସୂଚନା ଦେଇଛନ୍ତି।