ଯୋଡ଼ା : ଯୋଡ଼ା ବ୍ଲକ୍ ବିଲେଇପଦା ରାଜସ୍ୱ ନିରୀକ୍ଷକଙ୍କ ସର୍କଲ୍ ଅଧୀନସ୍ଥ କାଳିଆବେଡ଼ା ଗ୍ରାମର ଏକ ବେଆଇନ ପଥର ଖାଦାନରେ ଆଜି ଅଘଟଣ ଘଟିଛି । ପଥର ଖସିବା ଯୋଗୁଁ ସେଥିରେ ଚାପି ହୋଇ କାର୍ଯ୍ୟରତ ଜଣେ ଶ୍ରମିକଙ୍କ ମୃତ୍ୟୁ ଘଟିଛି । ମୃତ ଶ୍ରମିକଙ୍କ ନାମ ବୀରସିଂ ମୁଣ୍ଡା (୪୫) ଓ ତାଙ୍କ ଘର କାଳିଆବେଡ଼ା ମୁଣ୍ଡା ସାହିରେ ବୋଲି ଜଣାପଡ଼ିଛି । ବିଲେଇପଦା ଫାଣ୍ଡି ଅଧିକାରୀ ନରେଶ ଚନ୍ଦ୍ର ଦାସ ଖବର ପାଇ ଘଟଣାସ୍ଥଳରୁ ମୃତଦେହ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ ବଡ଼ବିଲ ଡାକ୍ତରଖାନାକୁ ପଠାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ପୁଲିସ ସୂଚନା ଅନୁଯାୟୀ, ଆଜି ସକାଳ ପ୍ରାୟ ୮ଟା ବେଳେ ଉକ୍ତ ପଥର ଖାଦାନରେ ସ୍ଥାନୀୟ ଗ୍ରାମର ୩ ଜଣ ଶ୍ରମିକ କାମ କରୁଥିଲେ । ସକାଳ ୯ଟା ସମୟରେ ଏକ ବଡ଼ ପଥର ଶ୍ରମିକ ବୀରସିଂ ମୁଣ୍ଡାଙ୍କ ମୁଣ୍ଡ ଉପରେ ଖସି ପଡିଥିଲା। ପଥର ତଳେ ଚାପି ହୋଇ ବୀରସିଂଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିଲା । ଏ ନେଇ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରିଛି।