ଅନୁଗୁଳ: ଓଲିଉଡର ଲୋକପ୍ରିୟ ଅଭିନେତ୍ରୀ ତଥା ଯାତ୍ରା କଳାକାର ଉଷସୀ ମିଶ୍ରଙ୍କୁ ଅସଦାଚରଣ କରାଯାଇଥିବା ଘଟଣା ସୋମବାର ସାମ୍ନାକୁ ଆସିଛି। ଗତକାଲି ଅନୁଗୁଳ ଜିଲ୍ଲା କଣିହାଁ ନିକଟ ଡେରଙ୍ଗରେ ଏହି ଅଘଟଣ ଘଟିଛି ଏବଂ ଏ ନେଇ ଉଷଶ୍ରୀ କଣିିହାଁ ଥାନାରେ ଅଭିଯୋଗ ମଧ୍ୟ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଗତକାଲି ଉଷସୀ ଯାତ୍ରା କରିବାକୁ ଡେରଙ୍ଗ ଯାଇଥିଲେ। ସେଠାରେ ତାଙ୍କୁ ଭେଟିବା ପାଇଁ କିଛି ଲୋକ ଭିଡ ଜମାଇଥିଲେ। ଏହି ସମୟରେ ଡେରଙ୍ଗ ପଞ୍ଚାୟତର ଇନ୍ଦ୍ରମଣୀ ସାହୁ ଓ ତାଙ୍କ ପୁଅ ମିଶି ଉଷଶ୍ରୀଙ୍କୁ ଅସଭ୍ୟ ଭାଷାରେ ଗାଳିଗୁଲଜ କରିଥିଲେ ବୋଲି ଅଭିଯୋଗ ହୋଇଛି। ଏପରିକି ଗାଳିଗୁଲଜ ସହ ତାଙ୍କ ଗାଡ଼ି ମଧ୍ୟ ଭାଙ୍ଗି ଦେଇଥିଲେ ବାପ-ପୁଅ ବୋଲି କହିଛନ୍ତି ଉଷସୀ । ଉଷସୀଙ୍କ ଅଭିଯୋଗକ୍ରମେ ପୁଲିସ ଏନେଇ ତଦନ୍ତ ଆରମ୍ଭ କରି ଦେଇଛି। ତେବେ ସୋସିଆଲ ମିଡ଼ିଆରେ ଏହି ଅଘଟଣ ବିଷୟରେ ଉଷସୀ ମିଶ୍ର ପୋଷ୍ଟ ମଧ୍ୟ କରିଛନ୍ତି । ଉଷସୀଙ୍କ ଏହି ପୋଷ୍ଟକୁ ନେଇ ବିଭିନ୍ନ ସୋସିଆଲ ମିଡିଆରେ ବିିଭିନ୍ନ ପ୍ରତିକ୍ରିୟା ମଧ୍ୟ ଆସିଛି।