ଏଣିକି କାୟୋସ୍ ପ୍ଲାଟଫର୍ମରେ ଉପଲବ୍ଧ ହେବ ଆରୋଗ୍ୟ ସେତୁ ଆପ
ନୂଆଦିଲ୍ଲୀ: ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ (ଆଇଟି) ରବିବାର ଦିନ କାୟୋସ୍ ପ୍ଲାଟଫର୍ମରେ ଆରୋଗ୍ୟ ସେତୁ ଆପ ଉପଲବ୍ଧ ହେବ ବୋଲି ଘୋଷଣା କରିଛି। ଏହି ଆପ୍ଲିକେସନ୍ ପୂର୍ବରୁ କେବଳ ଆଣ୍ଡ୍ରଏଡ୍ ଏବଂ ଆଇଓଏସ୍ ଦ୍ୱାରା ପରିଚାଳିତ ମୋବାଇଲ୍ ଫୋନ୍ ପାଇଁ ବ୍ୟବହାର କରିହେଉଥିଲା | ବର୍ତ୍ତମାନ କାୟୋସ୍ ପ୍ଲାଟଫର୍ମରେ ଆରୋଗ୍ୟ ସେତୁ ଉପଲବ୍ଧ ଥିବାବେଳେ ସମସ୍ତ ଜିଓ ଫୋନ୍ ବ୍ୟବହାରକାରୀ କୋଭିଡ-୧୯ କଣ୍ଟାକ୍ଟ-ଟ୍ରାକିଂ ଆପ୍ ଡାଉନଲୋଡ୍ କରିପାରିବେ |
Sambad is now on WhatsApp
Join and get latest news updates delivered to you via WhatsApp
ସୋସିଆଲ ମିଡିଆରେ ଆଇଟି ମନ୍ତ୍ରଣାଳୟ ଦ୍ୱାରା ଜାରି ଏକ ବିବୃତ୍ତିରେ ଦର୍ଶାଯାଇଛି ଯେ ଏହି ଆପର KaiOS ସଂସ୍କରଣ ଜିଓଫୋନ୍ ବ୍ୟବହାରକାରୀଙ୍କୁ ବହୁତ ସାହାଯ୍ୟ କରିବ | ମନ୍ତ୍ରଣାଳୟ ଏହା ମଧ୍ୟ ଉଲ୍ଲେଖ କରିଛି ଯେ ଆରୋଗ୍ୟ ସେତୁ ଆପ୍ ବିକାଶରେ ଜଡିତ ଦଳ ଏହାକୁ କାୟୋସ୍ ପ୍ଲାଟଫର୍ମରେ ଉପଲବ୍ଧ କରାଇବାରେ ସଫଳ ହୋଇଛି।
क्या आप जानते हैं की @SetuAarogya ऐप अब ‘KaiOS’ प्लेटफॉर्म पर भी उपलब्ध है। सभी #JioPhone ग्राहक अब खुद को और अपने प्रियजनों को #COVID19 से सुरक्षित रखने के लिए #AarogyaSetuApp का उपयोग कर सकते हैं। @GoI_MeitY के @NeGD_GoI टीम ने इस एप्लिकेशन को रिकॉर्ड समय में डेवेलोप किया हैं। pic.twitter.com/LlGEyicLK1
— Ministry of Electronics & IT (@GoI_MeitY) June 7, 2020
ସରକାରୀ ତଥା ବେସରକାରୀ କ୍ଷେତ୍ରର କର୍ମଚାରୀଙ୍କ ପାଇଁ ଆରୋଗ୍ୟ ସେତୁ ଆପ୍ ବ୍ୟବହାର ବାଧ୍ୟତାମୂଳକ ଅଟେ। ଟ୍ରେନ୍ ଯୋଗେ ଯାତ୍ରା କରୁଥିବା କିମ୍ବା ବିମାନ ସେବା ବ୍ୟବହାର କରୁଥିବା ବ୍ୟକ୍ତିଙ୍କ ପାଇଁ ଏହି ଆପ ବ୍ୟବହାର ବାଧ୍ୟତାମୂଳକ କରାଯାଇଛି | ଏହାର ଏକମାତ୍ର ଉଦ୍ଦେଶ୍ୟ ହେଉଛି କୋଭିଡ-୧୯ ସଂକ୍ରମଣକୁ ରୋକିବା ବୋଲି ସରକାର କହିଛନ୍ତି |